സാവോപോളോ: അവസാന മിനിറ്റില് ഗോളടിച്ച് ബ്രസീല് കോപ്പാ അമേരിക്കയില് കൊളംബിയയെ വീഴ്ത്തി. കളിയുടെ തുടക്കത്തില് തന്നെ ഗോള് നേടി കളി കൈപ്പിടിയിലാക്കിയ കൊളംബിയയെ കളിയുടെ ഒടുക്കം ഗോള് നേടിയാണ് ബ്രസീല് വീഴ്ത്തിയത്. റഗുലര് ടൈം 100 ലേക്ക് നീണ്ട കളിയില് 100ാം മിനിറ്റിലായിരുന്നു ബ്രസീല് രണ്ടാം ഗോള് നേടിയത്. 2-1 നായിരുന്നു ബ്രസീലിന്റെ ജയം.
കളി തുടങ്ങി പത്താം മിനിറ്റില് കൊളംബിയ ലൂയിസ് ഡയറിലൂടെ ഗോള് നേടി. യുവാന് ക്വാര്ദാദോയുടെ ക്രോസ് ഫസ്റ്റ്ടൈം ഷോട്ടിലൂടെ ഡയസ് വലിയിലാക്കുകയായിരുന്നു. എട്ടു മത്സരത്തിനിടയില് ഇതാദ്യമായിട്ടാണ് ബ്രസീലിയന് പിന് നിര ഗോള് വഴങ്ങിയത്. ലീഡ് നേടിയതിന് പിന്നാലെ കനത്ത പ്രതിരോധം തീര്ത്ത കൊളംബിയയെ പക്ഷേ കളി തീരാന് 12 മിനിറ്റ് ബാക്കിയുള്ളപ്പോള് ബ്രസീല് വിവാദഗോളില് സമനിലയില് കുരുക്കി. ബ്രസീല് മുന്നേറ്റത്തിനൊടുവില് കൊളംബിയന് ഹാഫില് റഫറി നെസ്റ്റര് പിറ്റാനയുടെ ദേഹത്ത് തട്ടി. ഡ്രോപ്പ് ബോളിനായി കാളംബിയന് താരങ്ങള് കളി ഒന്ന് നിര്ത്തിയപ്പോള് പോള് പാസ് ചെയ്ത് ബ്രസീല് ഗോള് നേടി.
ഇടതുവശത്ത് നിന്നും വന്ന ക്രോസില് ഫിര്മിനോ ഹെഡ്ഡറിലൂടെ കൊളംബിയന് ഗോളിലേക്ക് തിരിച്ചുവിട്ടു. വിഖ്യാത കീപ്പര് ഡേവിഡ് ഓസ്പിനയുടെ കയ്യില് നിന്നും പന്ത് വഴുതി നെറ്റിലെത്തി. കൊളംബിയയ്ക്ക് വേണ്ടി ഏറ്റവും കുടുതല് മത്സരം കളിച്ച ഇതിഹാസ താരം കാര്ലോസ് വാള്ഡാറാമയുടെ റെക്കോഡിന് ഒപ്പം എത്തിയ ദിവസമായിരുന്നു ഓസ്പിന മണ്ടത്തരം കാട്ടിയത്.
ഒപ്പം പിടിച്ചതോടെ അലമാലയായി ആക്രമണം അഴിച്ചുവിട്ട ബ്രസീല് രണ്ടാം പകുതിയുടെ 10 മിനിറ്റ് നീണ്ട ഇഞ്ചുറി ടൈമില് കാസിമിറോയുടെ ഹെഡ്ഡര് ഗോളിലൂടെ തന്നെ എതിരാളികളെ വീഴ്ത്തി. ഇതോടെ പരാജയപ്പെടാതെ ഒമ്പത് മത്സരങ്ങളാണ് ബ്രസീല് വിജയം നേടിയത്. ഡ്രോപ്പ് ബോളിനായി കൊളംബിയന് താരങ്ങള് ഏറെ വാദിച്ച ബ്രസീലിന്റെ രണ്ടാം ഗോളില് ഏറെ പ്രതിഷേധം ഉയര്ത്തിയെങ്കിലും 2018 ലോകകപ്പ് ഫൈനല് നിയന്ത്രിച്ച റഫറി വഴങ്ങിയില്ല.
