ലണ്ടന്: ഇംഗ്ലണ്ട് ക്രിക്കറ്റിന്റെ വംശീയ സ്വഭാവം വെളിപ്പെടുത്തുന്ന അനുഭവകഥയുമായി പാക്ക് വംശജനായ അസീം റഫീഖ്. മുന് ഇംഗ്ലണ്ട് അണ്ടര് ടീം ക്യാപ്റ്റനായിരുന്ന റഫീഖ് യോര്ക്ക്ഷെര് ക്ലബ്ബിലെ വംശീയ വിവാദം അന്വേഷിക്കുന്ന ബ്രിട്ടീഷ് പാര്ലമെന്റ് സമിതിക്കു മുന്നില് തന്റെ അനുഭവങ്ങള് വിവരിക്കുന്നതിനിടെ വിതുമ്പി കരഞ്ഞു.
ഏഷ്യന് വംശജരായ താരങ്ങളെ ക്ലബ്ബില് അധിക്ഷേപിക്കുന്നത് പതിവായിരുന്നു. തന്റെ മകന് മരിച്ച സന്ദര്ഭത്തില് പോലും അധിക്ഷേപത്തിനു വിധേയനായിയെന്നു റഫീഖ് വെളിപ്പെടുത്തി. മുമ്പ് റഫീഖിന്റെ വെളിപ്പെടുത്തലിനെത്തുടര്ന്നു ക്ലബ്ബിന്റെ ഉന്നതര് രാജിവെച്ചിരുന്നു. മുന് ഇംഗ്ലണ്ട് ക്യാപ്റ്റന് മൈക്കല് വോണിനെ ബിബിസി ടിവിയില് നിന്നു നീക്കം ചെയ്തിരുന്നു.
