മുംബൈ: മുംബൈ ഛത്രപതി ശിവാജി വിമാനത്താവളത്തില് എത്തിയ യാത്രക്കാരില് നിന്ന് പിടികൂടിയത് 5.6 കോടി രൂപയുടെ മൂല്യമുള്ള അമേരിക്കന് ഡോളര്.
സുഡാനി പൗരന്മാരായ അഹമ്മദ് മുഹമ്മദ് ഇസ്മയില് ഹരസാ, എസ്സം അലി ഇമര് മുഹമ്മദ് എന്നിവരെയാണ് ചൊവ്വാഴ്ച സിഐഎസ്എഫ് പിടികൂടിയത്. പുലര്ച്ചെ 4.05നുള്ള എത്യോപ്യന് എയര്ലൈന്സ് വിമാനത്തിലാണ് ഇവര് എത്തിയത്. ഇവരുടെ ബാഗുകള് എക്സ്-റേ പരിശോധനയ്ക്ക് വിധേയമാക്കിയപ്പോഴാണ് അസാധാരണമായ വിധം വിദേശ കറന്സിയുടെ സാന്നിധ്യം കണ്ടെത്തിയത്.
ഈ സമയം യാത്രക്കാര് ഡിപ്പാര്ച്ചര് എമിഗ്രേഷന് കൗണ്ടറില് എത്തിയിരുന്നു. പരിശോധനാ വിഭാഗത്തിലുണ്ടായിരുന്നവര് കസ്റ്റംസിനെ വിവരം അറിയിച്ചതിനെ തുടര്ന്ന് ഇവരെ പിടികൂടുകയായിരുന്നു. ഇവരുടെ പക്കല് 7,24,700 ഡോളറായിരുന്നു ഉണ്ടായിരുന്നത്.
