കൊളംബിയന് വിമാനാപകടത്തിന് പിന്നാലെ കളിക്കാരില് മിക്കവരും കൊല്ലപ്പെട്ട ഷാപ്പെകോണ്സെ ക്ളബ്ബിന്റെ ശൂന്യമായ ഡ്രസ്റൂം ബ്രസീലിന് നൊമ്പരക്കാഴ്ചയായി മാറുന്നു. കൊളംബിയന് ക്ളബ്ബ് അത്ലറ്റിക്കോ നാഷണലുമായി കളിക്കാന് പോകുമ്പോള് വിമാനാപകടത്തില് പെട്ട് അവര്ക്ക് നഷ്ടമായത് എല്ലാമായിരുന്നു. യൂറോപ്പലീഗിന് സമാനമായ ഒരു ടൂര്ണമെന്റില് വിജയിച്ച് കൊടുമുടിയിലേക്ക് ഉയരാനുള്ള അവരുടെ യാത്ര പക്ഷേ വാര്ത്തയില് ഇടം പിടിച്ചത് നൊമ്പരക്കാഴ്ചയില് ആയിരുന്നെന്ന് മാത്രം.
ബ്രസീലിയന് സമയം രാത്രി 10.15 നായിരുന്നു വിമാനം അപടത്തില് പെട്ടത്. 70 പേര് മരിച്ച ദുരന്തത്തില് ക്ളബ്ബുമായി ബന്ധപ്പെട്ട് 40 പേരുണ്ടായിരുന്നു. 20 കളിക്കാര്ക്ക് പുറമേ കോച്ചും സപ്പോര്ട്ടിംഗ് സ്റ്റാഫുകളും ഉണ്ടായിരുന്നു. പരിശീലകന്, സഹപരിശീലകന് , പേഴ്സണല് ട്രെയിനര് എന്നിവരെല്ലാം മരിച്ചു. സ്റ്റാര്ട്ടിംഗ് ലൈനപ്പില് ഒരാള് മാത്രമാണ് ഇപ്പോള് ജീവിച്ചിരിക്കുന്നത്. നെറ്റോ മാത്രം. നെറ്റോയുടെ കുടുംബം പ്രാര്ത്ഥനയോടെ കഴിയുമ്പോള് മറ്റ്് കളിക്കാരുടെ കുടുംബാംഗങ്ങള് ദുഖത്തിന്റെ കനലില് ഉരുകുകയായിരുന്നു.
അപകടത്തില് രക്ഷപ്പെട്ടത് പ്രതിരോധക്കാരന് അലന് റുസ്ക്കല്, ജാക്സണ് ഫോള്മാന്, സാംപിയര് നെറ്റോ എന്നീ താരങ്ങളായിരുന്നു. അര്ജന്റീനിയന് ക്ളബ്ബ് സാന് ലോറന്സോയെ സെമിഫൈനലില് തകര്ത്ത മത്സരത്തിന് മുമ്പ് എടുത്ത ചിത്രമാണ് ഓണ്ലൈന് മാധ്യമങ്ങളില് പ്രത്യക്ഷപ്പെട്ടത്. എവേ ഗോളിന്റെ മികവിലായിരുന്നു ഫൈനലിന് യോഗ്യത നേടിയത്. കളിക്കിറങ്ങുന്ന ആദ്യ പതിനൊന്നിലെ പത്തു കളിക്കാരെയും വിമാനാപകടത്തില് ക്ളബ്ബിന് നഷ്ടമായി.
കളിക്കാരിലെ തിയാഗീഞ്ഞോ എന്ന് വിളിപ്പേരുള്ള ഫോര്വാഡ് തിയാഗോ ഡാ റോക്ക വിയേരയെ പിതാവാകാന് കേവലം ഒരു ആഴ്ച മുമ്പ് മരണം വിളിച്ചു കൊണ്ടു പോയി. ഇയാളുടെ ഭാര്യ ഗ്രാസിലേയുടെ പ്രസവം അടുത്തയാഴ്ച നടക്കുമെന്നായിരുന്നു പ്രതീക്ഷ. 22 കാരനായ ഇയാള് താന് പിതാവാകാന് പോകുന്നു എന്നറിയുന്നതിന്റെ സന്തോഷത്തില് നൃത്തം ചവിട്ടുന്ന വീഡിയോ കഴിഞ്ഞയാഴ്ച ഓണ്ലൈനില് പോസ്റ്റ് ചെയ്തിരുന്നു.
അപകടസ്ഥലത്തു നിന്നും ആദ്യം ആശുപത്രിയില് എത്തിച്ച ഗോള്കീപ്പര് ഡാനിയേലോ ആയിരുന്നു 70 ലധികം പേര് മരിച്ചിരിക്കാമെന്ന വിവരം ആദ്യം നല്കിയത്. അല്പ്പനേരത്തിന് ശേഷം ഇയാളും മരണത്തിന് കീഴടങ്ങി. ഞങ്ങള് കൊളംബിയയിലേക്ക് വരുന്നു എന്ന കുറിപ്പോടെ അലന് റുസ്ക്കല് പോസ്റ്റ് ചെയ്ത സെല്ഫി
അലക്സാണ്ട്രോ മാര്ട്ടിനൂച്ചിയോയെ രക്ഷിച്ചത് പരിക്കായിരുന്നു. സ്പെയിനിലെ വില്ലാ റയലിന് വേണ്ടി കളിച്ച അലക്സാണ്ട്രോ പരിക്കേതിനെ തുടര്ന്ന് ടീമില് ഉള്പ്പെടുത്തിയില്ല. അല്ലായിരുന്നെങ്കില് മറ്റു കളിക്കാര്ക്കൊപ്പം ഇദ്ദേഹവും മരണത്തിന് കീഴടങ്ങൂമായിരുന്നു. ഇദ്ദേഹത്തിനൊപ്പം നേനം, ഡെമേഴ്സണ്, മാഴ്സലോ ബോക്ക്, ആന്ഡ്രേ ഹ്യോറണ്, നിവേല്ഡോ, മോയ്സസ്, റാഫേല് ലിമ എന്നീ എട്ട കളിക്കാര് കൂടി ടീമിനൊപ്പം പോയിരുന്നില്ല. ടീമിന്റെ കളി കാണാന് ഷാപ്പോകോണ്സ് പരിശീലകന് കെയ്യോ ജൂനിയറിനൊപ്പം പോകാന് പദ്ധതിയിട്ട ആളായിരുന്നു മകന് മത്തേവൂസ് സറോലി. എന്നാല് പാസ്പോര്ട്ട് കാണാതായതിനാല് പോകാന് കഴിഞ്ഞില്ല.
1970 ന് ശേഷം ആദ്യമായിട്ടായിരുന്നു ക്ളബ്ബ് പ്രസീലിയന് ഫസ്റ്റ് ഡിവിഷനില് 2014 ല് പ്രവേശിച്ചത്. 2013 ന് ശേഷം യൂറോപ്പ ലീഗിന് സമാനമായ തെക്കേ അമേരിക്കന് ടൂര്ണമെന്റില് കളിക്കുന്ന ആദ്യ ടീമുമായിരുന്നു ക്ളബ്ബ്. മെസ്സിയും ഡി മരിയയും ഉള്പ്പെടെ ബ്രസീലില് ലോകകപ്പ് യോഗ്യത കളിച്ച അര്ജന്റീന ദേശീയ ടീമിനെ 20 ദിവസം മുമ്പ് ബെലേ ഹൊറിസോണ്ടയില് എത്തിയ അതേ ആവ്റോ ആര് ജെ 85 വിമാനമായിരുന്നു ഇത്.
