എന്ഡിഎയുടെ രാഷ്ട്രപതി സ്ഥാനാര്ഥി ദ്രൗപതി മുര്മുവിന് സിആര്പിഎഫ് കമാന്ഡോകളുടെ 'സെഡ് പ്ലസ്' സുരക്ഷ അനുവദിച്ചു. കേന്ദ്ര സര്ക്കാര് നല്കുന്ന ഏറ്റവും ഉയര്ന്ന രണ്ടാമത്തെ സുരക്ഷാ പരിരക്ഷയാണ് 'സെഡ് പ്ലസ്'. കേന്ദ്ര ആഭ്യന്തര മന്ത്രാലയത്തിന്റേതാണ് തീരുമാനം.
പ്രധാനമന്ത്രി നരേന്ദ്ര മോദിയും മറ്റു മുതിര്ന്ന നേതാക്കളും ഉള്പ്പെട്ട ബിജെപി പാര്ലമെന്ററി ബോര്ഡ് യോഗത്തിന് ശേഷം തിങ്കളാഴ്ച രാത്രി നടത്തിയ വാര്ത്താ സമ്മേളനത്തിലാണ് ജാര്ഖണ്ഡ് ഗവര്ണറായി സേവനമനുഷ്ഠിച്ച ദ്രൗപതി മുര്മുവിനെ (64) രാഷ്ട്രപതി സ്ഥാനാര്ഥിയായി പ്രഖ്യാപിച്ചത്. ഒഡിഷയില് നിന്നുള്ള ഗോത്രവര്ഗ നേതാവാണ് ദ്രൗപദി.
