നോയിഡ: പുതുവര്ഷ ആഘോഷത്തിനിടെ ഡല്ഹിയില് കാറിനടിയില് പെട്ട് യുവതി ദാരുണമായി കൊല്ലപ്പെട്ടതിന്റെ നടുക്കം മാറും മുന്പ് സമാനമായ മറ്റൊരു അപകട വാര്ത്ത കൂടി. നോയിഡയില് ഞായറാഴ്ച കാറിനടിയില്പെട്ട് വലിച്ചിഴക്കപ്പെട്ട സ്വഗ്ഗി ഡെലിവറി ഏജന്റ് മരിച്ചു. കൗശല് എന്ന യുവാവാണ് മരിച്ചത്.
ഞായറാഴ്ച വൈകിട്ട് ഭക്ഷണം വിതരണത്തിനായി പോയ കൗശലിന്റെ സ്കൂട്ടറില് നോയിഡ സെക്ടര് 14ലെ ഫ്ളൈ ഓവറില് വച്ച് കാറിടിക്കുകയായിരുന്നു. കാറിനടിയില് കുടുങ്ങിയ കൗശലിനെ 500 മീറ്ററോളം വലിച്ചിഴച്ചു. കാറിനടിയില് ആളെ കണ്ടതോടെ ഡ്രൈവര് കാര് ഉപേക്ഷിച്ച് ഓടിരക്ഷപ്പെടുകയായിരുന്നു.
രാത്രിയായിട്ടും കൗശലിനെ കാണാതെ വന്നതോടെ സഹോദരന് അമിത് ഒരു മണിയോടെ ഫോണിലേക്ക് വിളിച്ചു. ഫോണ് എടുത്തയാളാണ് അപകടവിവരം കുടുംബത്തെ അറിയിക്കുന്നത്. അമിതിന്റെ പരാതയില് പോലീസ് കേസെടുത്തു അന്വേഷണം ആരംഭിച്ചു. സ്ഥലത്തെ സിസിടിവി ദൃശ്യങ്ങള് പരിശോധിച്ചുവരിയാണെന്നും പോലീസ് അറിയിച്ചു.
