കാസര്കോഡ്: ബിജെപി സംസ്ഥാന അദ്ധ്യക്ഷന് കെ സുരേന്ദ്രനെതിരെ മഞ്ചേശ്വരം കോഴക്കേസില് ക്രൈം ബ്രാഞ്ച് കുറ്റപത്രം സമര്പ്പിച്ചു. മഞ്ചേശ്വരത്ത് ബിഎസ്പി സ്ഥാനാര്ത്ഥിയായിരുന്ന സുന്ദരയ്ക്ക് പണം വാഗ്ദാനം ചെയ്തെന്നും ഭീഷണിപ്പെടുത്തിയെന്നുമുള്ള കേസിലാണ് കുറ്റപത്രം ചുമത്തിയിരിക്കുന്നത്.
കാസര്കോട് ജില്ലാ കോടതിയിലാണ് കുറ്റപത്രം സമര്പ്പിച്ചിരിക്കുന്നത്. കേസില് കെ. സുരേന്ദ്രനാണ് മുഖ്യപ്രതി. സുരേന്ദ്രനടക്കം ആറുപേര്ക്കെതിരേ ജാമ്യമില്ലാ വകുപ്പുകളാണ് ചുമത്തിയിട്ടുള്ളത്. ദുര്ബലമായ വകുപ്പുകളാണ് കേസില് ആദ്യം ചുമത്തിയിരുന്നത്. എന്നാല് പട്ടികജാതി- പട്ടികവര്ഗ വകുപ്പുകള് കൂടി ചേര്ക്കണമെന്നു സ്പെഷ്യല് പ്രോസിക്യൂട്ടര് അന്വേഷണസംഘത്തോട് നിര്ദേശിച്ചിരുന്നു.
സ്ഥാനാര്ത്ഥിത്വം പിന്വലിക്കുന്നതിനായി രണ്ടരലക്ഷം രൂപയും സ്മാര്ട്ട്ഫോണും നല്കിയെന്നും ഭീഷണിപ്പെടുത്തി എന്നുമാണ് കേസ്. നാമനിര്ദേശപത്രിക പിന്വലിക്കുന്നതിനായി കോഴ നല്കിയെന്നും 2021 ജൂണ് 5ന് ആണ് സുന്ദര വെളിപ്പെടുത്തിയത്. ഇടതുമുന്നണി സ്ഥാനാര്ത്ഥിയായിരുന്ന വി വി രമേശന് നല്കിയ പരാതിയെ തുടര്ന്നാണ് കേസെടുത്തത്.
