ശ്രീലങ്കയ്ക്ക് എതിരേയുള്ള രണ്ടാം ഏകദിനത്തിന് ഇറങ്ങുമ്പോഴും ഇന്ത്യന് ആരാധകരുടെ കണ്ണ് മുന് നായകന് വിരാട്കോഹ്ലിയിലാണ്. താരം ഇന്ന് 67 റണ്സ് നേടിയാല് മറ്റൊരു ഇതിഹാസ താരം കൂടി പിന്നിലായിപ്പോകും. ഏകദിനത്തില് 45 സെഞ്ച്വറികള് നേടിയ താരം സാക്ഷാല് സച്ചിന് തെന്ഡുല്ക്കറിനേക്കാള് നാലു സെഞ്ച്വറികള് മാത്രം പിന്നിലാണ്.
കഴിഞ്ഞ മത്സരത്തില് 87 പന്തുകളില് 113 റണ്സ് നേടിയ താരം ഇന്ത്യന് ഇന്നിംഗ്സിന്റെ കരുത്തായി മാറിയിരുന്നു. 52 ലും 81 ലും നില്ക്കേ രണ്ടു തവണ ക്യാച്ച് താഴെയിട്ട് ശ്രീലങ്ക സഹായിക്കുകയും ചെയ്തു. രണ്ടാമത്തെ മത്സരത്തില് 67 റണ്സ് നേടിയാല് ഏകദിന റണ്നേട്ടത്തിന്റെ കാര്യത്തില് ശ്രീലങ്കന് മുന് നായകന് മഹേള ജയവര്ദ്ധനെയെ ഇന്ത്യന് താരം പിന്നിലാക്കും.
ഏറ്റവും കൂടുതല് ഏകദിന റണ്നേട്ടക്കാരില് അഞ്ചാമനാണ് ജയവര്ദ്ധനെ. 267 ഏകദിനത്തില് ബാറ്റ് ചെയ്ത കോഹ്ലി 12,584 റണ്സാണ് അടിച്ചു കൂട്ടിയത്. ജയവര്ദ്ധനെയ്ക്ക് 433 ഇന്നിംഗ്സുകളില് നിന്നുമായി 12,650 റണ്സാണ് പേരിലുള്ളത്.
ഇന്ത്യന് മണ്ണില് 20 ഏകദിന സെഞ്ച്വറികളുള്ള സച്ചിന്റെ റെക്കോഡിനൊപ്പം കഴിഞ്ഞ മത്സരത്തില് തന്നെ കോഹ്ലി എത്തിയിരുന്നു. ഇന്നത്തെ മത്സരത്തില് കൂടി സെഞ്ച്വറി നേടിയാല് കോഹ്ലി നാട്ടിലെ സെഞ്ച്വറികളില് സച്ചിനേക്കാള് കേമനാകും. ഈ വര്ഷം കൊല്ക്കത്തയിലെ ഈഡന്സ് ഗാര്ഡനിലാണ് ഇന്ത്യയും ശ്രീലങ്കയും തമ്മിലുള്ള രണ്ടാമത്തെ മത്സരം നടക്കുന്നത്. ടോസ് നേടിയ ശ്രീലങ്ക ബാറ്റ് ചെയ്യുകയാണ്.
