ന്യൂഡല്ഹി : രാജ്യത്ത് അസാധുവാക്കപ്പെട്ട നോട്ടുകള് മാറ്റുന്നതിന് സഹകരണ ബാങ്കുകള്ക്ക് ഇളവ് നല്കാനാകില്ലെന്ന് സുപ്രീംകോടതി. ഇക്കാര്യത്തില് നിലവിലെ നിയന്ത്രണങ്ങള് തുടരും.
ഇത്രയും ദിവസം കാത്തിരുന്ന സഹകരണ ബാങ്കുകള്ക്ക് 14 ദിവസം കൂടി കാത്തിരുന്നുകൂടേയെന്നും ഇളവ് അനുവദിക്കുന്നത് കേന്ദ്രസര്ക്കാരിന്റെ ഉദ്ദേശ്യശുദ്ധിയ്ക്ക് എതിരാകില്ലേയെന്നും സുപ്രീംകോടതി ചോദിച്ചു. ജസ്റ്റിസ് ടി.എസ് ഠാക്കൂറിന്റെ ബെഞ്ചാണ് ഹര്ജി പരിഗണിച്ചത്.
അതേസമയം, പഴയനോട്ടുകള് ആര്.ബി.ഐയില് നിക്ഷേപിക്കാന് സഹകരണ ബാങ്കുുകള്ക്ക് കോടതി അനുവാദം നല്കി. നവംബര് 10-14 ദിവസങ്ങളില് സ്വീകരിച്ച നോട്ടുകള് നിക്ഷേപിക്കാനാണ് അനുവാദം നല്കിയിരിക്കുന്നത്.
ഇതിനിടെ, കോടിക്കണക്കിന് രൂപയുടെ നിക്ഷേപം എത്തിയിട്ടും ആഴ്ചയില് 24,000 രൂപ എന്ന നിയന്ത്രണം ഏര്പ്പെടുത്തിയ കേന്ദ്രത്തിന്റെ നടപടിയെ കോടതി രൂക്ഷമായി വിമര്ശിച്ചു. ഇങ്ങനെയെങ്കിലും എന്തുകൊണ്ടാണ് ചിലരുടെ മാത്രം കയ്യില് കോടിക്കണക്കിന് രൂപ വന്നുകൂടുന്നതെന്നും കോടതി സംശയരൂപേണ ചോദിച്ചു. അതേസമയം, എല്ലാ ബാങ്കുകളിലും ഇരുന്ന് കാര്യങ്ങള് നിയന്ത്രിക്കാനാകില്ലെന്ന് കേന്ദ്രം വ്യക്തമാക്കി.
