ന്യുഡല്‍ഹി: പ്രധാനമന്രതി നരേന്ദ്ര മോദിയെ വിമര്‍ശിച്ച പ്രസംഗിച്ചത് പോലീസ് കേസെടുത്ത കോണ്‍ഗ്രസ് നേതാവ് പവന്‍ ഖേരയെ വിമാനത്തില്‍ നിന്ന് ഇറക്കിവിട്ട് ഇന്‍ഡിഗോ കമ്പനി. കേസുള്ളതിനാല്‍ വിമാനത്തില്‍ യാത്ര ചെയ്യാന്‍ അനുവദിക്കാനാവില്ലെന്നാണ് ഇന്‍ഡിഗോയുടെ നിലപാട്. റായ്പൂരില്‍ നാളെ തുടങ്ങുന്ന കോണ്‍ഗ്രസ് പ്ലീനറി സമ്മേളനത്തില്‍ പങ്കെടുക്കാന്‍ ഛത്തീസ്ഗഢിലേക്ക് പോകുന്നതിനാണ് കോണ്‍ഗ്രസ് നേതാക്കള്‍ രാവിലെ ഡല്‍ഹി വിമാനത്താവളത്തിലെത്തിയത്.
അതേസമയം, പവന്‍ ഖേരയെ വിമാനത്താവളത്തില്‍ നിന്ന് കസ്റ്റഡിയിലെടുക്കാന്‍ അസം പോലീസും സിഐഎസ്എഫും ശ്രമിച്ചെന്ന് േകാണ്‍ഗ്രസ് ആരോപിച്ചു. കോണ്‍ഗ്രസ് നേതാക്കള്‍ വിമാനത്താവളത്തില്‍ പ്രതിഷേധിക്കുകയാണ്.
മോദിയെ അപമാനിച്ച് സംസാരിച്ച പവന്‍ ഖേരയെ അറസ്റ്റു ചെയ്യണമെന്ന് ബി.ജെ.പി ആവശ്യപ്പെട്ടു. ഗൗതം അദാനിയെ സഹായിക്കുന്നത് മോദിയാണെന്ന് ഒരു പത്രസമ്മേളനത്തില്‍ കുറ്റപ്പെടുത്തിയ ഖേര, നരേന്ദ്ര ഗൗതം ദാസ് എന്ന് മോദിയെ വിളിച്ചതാണ് കേസിനാധാരം. നരസിംഹ റാവുവിനും എ.വി വാജ്‌പേയിക്കും സംയുക്ത പാര്‍ലമെന്ററി സമിതി രുപീകരിക്കാം. നരേന്ദ്ര ഗൗതം ദാസിന് എന്താണ് പ്രശ്‌നമെന്നായിരുന്നു രേഖയുടെ ചോദ്യം.
Comments