ന്യൂഡല്ഹി: നാട്ടില് 100 വിക്കറ്റുകള് തികച്ച ഇന്ത്യന് പേസര് ഉമേഷ് യാദവിന്റെയും പഴയ പടക്കുതിര അശ്വിന്റെയും തകര്പ്പന് ബൗളിംഗിന്റെ പിന്ബലാത്തില് ഓസീസിനെ ഇന്ത്യ പിടിച്ചു നിര്ത്തി. മൂന്നാം ടെസ്റ്റിന്റെ രണ്ടാം ദിനത്തില് അതിഥികളുടെ ആദ്യ ഇന്നിംഗ്സ് 197 ന് ഇന്ത്യ എറിഞ്ഞിട്ടു.
ഇന്ത്യയേക്കാള് 47 റണ്സിന്റെ ലീഡുമായി തുടങ്ങിയ അവര്ക്ക് 88 റണ്സിന്റെ ഒന്നാം ഇന്നിംഗ്സ് ലീഡ് നേടാനേ കഴിഞ്ഞുള്ളു. ബാറ്റ്സ്മാന്മാരെ കറങ്ങുന്ന പന്തുകള് കൊണ്ട് സ്പിന്നര്മാര് വട്ടം കറക്കിയപ്പോള് രണ്ടുടീമിലുമായി വിക്കറ്റ് നേടിയ ഏക പേസ് ബൗളറായിട്ടാണ് ഉമേഷ് യാദവ് മാറിയത്. മൂന്ന് ഓവര് എറിഞ്ഞ ഉമേഷ് മൂന്ന് വിക്കറ്റുകളും നേടി. ആദ്യ ഓവറില് കാമറുണ് ഗ്രീനെ വിക്കറ്റിന് മുന്നില് കുരുക്കിയ ഉമേഷ് തൊട്ടടുത്ത ഓവറില് മിച്ചല് സ്റ്റാര്ക്കിനെ വീഴ്ത്തിക്കൊണ്ടാണ് നാട്ടിലെ 100 വിക്കറ്റ് നേട്ടമുണ്ടാക്കിയത്. ഇതോടെ ഇന്ത്യന് മണ്ണില് 101 വിക്കറ്റുകള് താരം പോക്കറ്റിലാക്കി. 31 ടെസ്റ്റുകളാണ് ഉമേഷ് ഇന്ത്യന് മണ്ണില് കളിച്ചത്.
ഓസീസ് ഓപ്പണര് ഉസ്മാന് ഖ്വാജയ്ക്ക് മാത്രമാണ് ഒന്നാം ഇന്നിംഗ്സില് പിടിച്ചു നില്ക്കാനായത്. 60 റണ്സ് എടുത്ത് ഖ്വാജ പുറത്തായി. നായകന് സ്റ്റീവ് സ്മിത്തിന് 26 റണ്സേ ചേര്ക്കാനായുള്ളൂ. മാര്നസ് ലാബുഷാനേ 31 റണ്സിന് പുറത്തായി. കാമറൂണ് ഗ്രീന് 21 റണ്സ് എടുത്തു. മറ്റുള്ളവര്ക്കൊന്നും രണ്ടക്കം പോലും തികയ്ക്കാനായില്ല.
ഇതിഹാസതാരം കപില് ദേവ് (219), ജവഗല് ശ്രീനാഥ് (108), സഹീര്ഖാന് (104) എന്നിവരാണ് ഉമേഷിനെ കൂടാതെ ഇന്ത്യയിലെ പിച്ചില് 100 വിക്കറ്റ് വീഴ്ത്തിയിട്ടുള്ള ഇന്ത്യന് ബൗളര്മാര്. രവീന്ദ്രജഡേജ നാലു വിക്കറ്റും അശ്വിന് മൂന്ന് വിക്കറ്റും വീഴ്ത്തി. ഇതോടെ ടെസ്റ്റ് കൂടുതല് ആവേശകരമായി മാറിയിട്ടുണ്ട്.
