തപട്ന; തമിഴ്നാട്ടില് ഇതര സംസ്ഥാന തൊഴിലാളികള് അക്രമിക്കപ്പെടുന്നുവെന്ന പ്രചാരണത്തിനായി വ്യാജ വീഡിയോകള് നിര്മിച്ചുവെന്ന കേസില് ബിഹാറിലെ പ്രമുഖ യൂ ട്യൂബര് അറസ്റ്റിലായി. മനീഷ് കശ്യപാണ് പിടിയിലായത്. ഈ സംഭവവുമായ ബന്ധപ്പെട്ട മൂന്നാമത്തെ അറസ്റ്റാണിത്.
കശ്യപിന്റെ സ്വത്തുക്കള് കണ്ടുക്കെട്ടാന് ബിഹാര് പൊലീസിലെ സാമ്പത്തിക കുറ്റാന്വേഷണ വിഭാഗം വീട്ടിലെത്തിയിരുന്നു. ഇതിന് പിന്നാലെ ഇയാള് ശനിയാഴ്ച്ച രാവിലെ പൊലീസ് സ്റ്റേഷനിലെത്തി കീഴടങ്ങുകയായിരുന്നു. അറസ്റ്റ് രേഖപ്പെടുത്തിയത് വെസ്റ്റ് ചാമ്പരന് ജില്ലയിലെ ജഗദീഷ്പുര് പൊലീസ് സ്റ്റേഷനിലാണ്.
തമിഴ്നാട്ടില് താമസിക്കുന്ന ബിഹാര് തൊഴിലാകളുമായി ബന്ധപ്പെട്ട് ഇയാള് വ്യാജവും തെറ്റിദ്ധരിപ്പിക്കുന്നതുമായ വീഡിയോകള് പ്രചരിപ്പിച്ചുവെന്നാണ് കേസ്. താമിഴ്നാട്ടില് ബിഹാറികളെ മര്ദിച്ചുകൊലപ്പെടുത്തുന്ന ദൃശ്യങ്ങള് എന്ന പേരിലടക്കമുളള വീഡിയോയാണ് പ്രചരിച്ചിരുന്നു.
