മുംബൈ: ഐപിഎല്ലില് ആരും എടുക്കാത്ത നിരാശ അവസരം കിട്ടയ ബിഗ്ബാഷ് ലീഗില് തീര്ത്ത സ്മിത്ത് അഞ്ചു കളികളില് നിന്നും അടിച്ചു കൂട്ടിയത് രണ്ടു സെഞ്ച്വറികളും 25 സിക്സറുകളും. അനേകം താരങ്ങള് പരുക്കിന്റെ പിടിയിലായ ഐപിഎല് ഈ സീസണില് ആദ്യ പന്തെറിയും മുമ്പേ താന് ഐപിഎല്ലിന്റെ ഭാഗമായി മാറിയെന്നും ഇന്ത്യയിലേക്ക് വരുന്നതായും വ്യക്തമാക്കിയിരിക്കുകയാണ് ഓസീസ് ക്യാപ്റ്റന് സ്റ്റീവന് സ്മിത്ത്.
അടുത്തിടെ താരം ബിഗ്ബാഷ് ലീഗില് കസറിയിരുന്നു. അഞ്ചു കളികളില് സിക്സേഴ്സ് ടീമീല് കളിച്ച സ്മിത്ത് രണ്ടു സെഞ്ച്വറി അടക്കം അടിച്ചുകൂട്ടിയത് 346 റണ്സ്. സിക്സേഴ്സിനായി സെഞ്ചുറി നേടുന്ന ആദ്യ താരമായി മാറിയ സ്മിത്ത് ടൂര്ണമെന്റില് ഏറ്റവും കൂടുതല് സിക്സ് അടിച്ചയാളുമായി. 25 സിക്സറുകള് ആണ് സ്മിത്ത് നേടിയത്. 86.5 ആയിരുന്നു കളി പൂര്ത്തിയായപ്പോള് താരത്തിന്റെ ബാറ്റിംഗ് ശരാശരി.
കഴിഞ്ഞ ദിവസമാണ് താന് ഐപിഎല്ലിന്റെ ഭാഗമാകുന്നെന്ന വിവരം സൂചിപ്പിക്കുന്ന വീഡിയോ സ്മിത്ത് പുറത്തുവിട്ടത്. ഇന്ത്യാക്കാര്ക്ക് നമസ്ക്കാരം പറഞ്ഞുകൊണ്ട് തുടങ്ങുന്ന വീഡിയോയില്, താന് ഐപിഎല്ലിന്റെ ഭാഗമാകാന് പോകുകയാണെന്നും കരുത്തുറ്റ ആരാധക പിന്തുണയുമുള്ള ടീമായിരിക്കും അതെന്നും സ്മിത്ത് പറഞ്ഞതോടെ വിദേശതാരങ്ങളുടെ സ്പേസ് ഒഴിഞ്ഞു കിടപ്പുള്ള മുംബൈ ഇന്ത്യന്സോ പഞ്ചാബ് കിംഗ്സ് ഇലവനോ എന്ന ചോദ്യം ആരാധകര് ചോദിക്കാനും തുടങ്ങിയിരിക്കുകയാണ്. കഴിഞ്ഞ തവണ മോശം ഫോമിലായിരുന്ന സ്മിത്തിനെ ഈ സീസണില് ആരും തന്നെ ടീമില് എടുത്തിരുന്നില്ല. എന്നാല് ബിഗ്ബാഷ് ലീഗിലെ വെടിക്കെട്ട് കണ്ട ആരാധകര് ഇപ്പോള് ത്രില്ലിലാണ്.
അതേസമയം ഏതു ടീമിലൂടെയാണ് താന് ഐപിഎല്ലിന്റെ ഭാഗമാകുന്നതെന്ന ചെറിയ സൂചന പോലും താരം നല്കിയിട്ടില്ല. 2012ല് ഐപിഎല്ലില് അരങ്ങേറിയ സ്മിത്ത് ഇതുവരെ 103 മത്സരങ്ങളില് നിന്നായി 2485 റണ്സടിച്ചിട്ടുണ്ട്. ഒരു സെഞ്ചുറിയും 11 അര്ധസെഞ്ചുറിയും ഇതില് ഉള്പ്പെടുന്നു. സഞ്ജു സാംസന്റെ രാജസ്ഥാന് റോയല്സിനൊപ്പമായിരുന്നു സ്മിത്ത് അവസാനമായി ഐപിഎല് സീസണില് കളിച്ചത്. ശക്തമായ ബാറ്റിംഗ് നിരയുമായിട്ടാണ് മുംബൈ ഇന്ത്യന്സും കിംഗ്സ് ഇലവന് പഞ്ചാബും കളിക്കാനിറങ്ങുന്നത്.
