മാമുക്കോയയ്ക്ക് മലയാള സിനിമ അര്ഹിച്ച ആദരവ് നല്കിയില്ലെന്ന വിമര്ശനവുമായി സംവിധായകന് വി. എം വിനു. പ്രിയ നടന് അന്ത്യാഞ്ജലി അര്പ്പിക്കാന് പ്രമുഖരടക്കം പലരും വരാത്തതിലാണ് അനുസ്മരണ സമ്മേളനത്തില് വിമര്ശനമുയര്ന്നത്. അനുസ്മരണ യോഗത്തില് സംസാരിച്ച സംവിധായകന് വി എം വിനു പലരും വരുമെന്ന് കരുതിയെന്നും പക്ഷേ വന്നില്ലെന്നും പറഞ്ഞു. എറണാകുളത്ത് പോയി മരിച്ചാല് കൂടുതല് സിനിമാക്കാര് വരുമായിരുന്നു എന്ന പരിഹാസവും സംവിധായകന് മുന്നോട്ടുവച്ചു.
പല പ്രമുഖരും വരാതിരുന്നത് മാമുക്കോയയോടുള്ള അനാദരവായെന്നും അനുസ്മരണ സമ്മേളനത്തില് വി എം വിനു പറഞ്ഞു. താന് എറണാകുളത്ത് പോയി മരിയ്ക്കാന് ശ്രമിക്കുമെന്നും അദ്ദേഹം കൂട്ടിച്ചേര്ത്തു. മാമുക്കോയ നല്കിയ സ്നേഹം മലയാള സിനിമാ ലോകത്തിന് തിരിച്ചു നല്കാനായില്ലെന്നും അനുസ്മരണ സമ്മേളനത്തില് സംസാരിച്ച ആര്യാടന് ഷൗക്കത്ത് ചൂണ്ടികാട്ടി. എല്ലാവരെയും സ്നേഹിച്ച വ്യക്തിയായിരുന്നു മാമുക്കോയയെന്നും അദ്ദേഹം കൂട്ടിച്ചേര്ത്തു.
കോഴിക്കോട് കണ്ണംപറമ്പ് ഖബര്സ്ഥാനില് ഇന്ന് രാവിലെ പത്തിനായിരുന്നു മമ്മൂക്കോയയുടെ ഖബറടക്കം നടന്നത്. താരസംഘടനയായ അമ്മയ്ക്ക് വേണ്ടി ഇടവേള ബാബു നടന്മാരായ ജോജു ജോര്ജ്ജ് , ഇര്ഷാദ്, നിര്മാതാവ് ആര്യാടന് ഷൗക്കത്ത്, മന്ത്രി അഹമ്മദ് ദേവര്കോവില് തുടങ്ങിയവരും ഇദ്ദേഹത്തിന്റെ വീട്ടില് എത്തി അന്തിമോപചാരം അര്പ്പിച്ചു.
