നെടുങ്കണ്ടം: ആദിയുടെ ചികിത്സാധന സമാഹരണയജ്ഞത്തിനായി നടന്നത് വാശിയേറി ലേലം. കുരുന്നിന്റെ കാര്യമാണ് കാര്യമായി നാട്ടുകാര് ഇറങ്ങി. ഒരു താറാവിന് 48,000വും, ഒരു കേക്കിന് 20,000വും ഓണം ബംബര് ലോട്ടറി ടിക്കറ്റിന് 24500 വാശിയോടെ വിളിച്ച് നേടിയത് പലര്.
രക്താര്ബുദത്തെ തുടര്ന്ന് തിരുവനന്തപുരം ആര്.സി.സിയില് രക്താര്ബുദ ചികിത്സ നടത്തുന്ന നെടുങ്കണ്ടം ചാണിയില് രഞ്ജിത്-മോനിഷ ദമ്പതികളുടെ പുത്രന് നാലുവയസുകാരന്റെ ചികിത്സയ്ക്കായി നെടുങ്കണ്ടം നന്മ സാംസ്കാരിക വേദിയുടെ നേതൃത്വത്തില് നെടുങ്കണ്ടത്ത് നടത്തിയ മരത്തോണ് ഗാനമേളയുടെ ഭാഗമായി നടന്ന ലേലത്തിലാണ് വാശിയേറിയ മത്സരം നടന്നത്.
താറാവ് 48,000 രൂപയ്ക്കും പ്ലംകേക്ക് 20,000 രൂപയ്ക്കും ഓണം ബമ്പര് ലോട്ടറി ടിക്കറ്റ് 24500- രൂപയ്ക്കുമാണ് ലേലം ഉറപ്പിച്ചത്. നെടുങ്കണ്ടം പടിഞ്ഞാറെക്കവല വികസന സമിതി സ്റ്റേജില് നടന്ന പരിപാടി നെടുങ്കണ്ടം പഞ്ചായത്ത് പ്രസിഡന്റ് ലേഖ ത്യാഗരാജന് ഉദ്ഘാടനം ചെയ്തു. നന്മ സാംസ്കാരികവേദി പ്രസിഡന്റ് കുഞ്ഞുമോന് കുട്ടിക്കല് അധ്യക്ഷത വഹിച്ചു.
ബാബു എം. തോമസിന്റെ നേത്യത്വത്തില് നടന്ന ഗാനമേളയില് ഫ്്ളവേഴ്സ് ടോപ്പ് സിംഗര് സീസണ് മൂന്ന്് െഫെനലിസ്റ്റ് ശ്രേയ ശ്രീകുമാറും പങ്കാളിയായി. ഷിജു ഉള്ളുരുപ്പില്, സോജന് ജോസ്, ജോജി ഇടപ്പള്ളികുന്നേല്, അനില് കട്ടുപ്പാറ, എം.എസ്. മഹേശ്വരന്, അജീഷ് മുതുകുന്നേല്, പി.എന്. വിജയന്, എം.എന്. ഗോപി, ജെയിംസ് മാത്യു, ബാബു എം. ജോസ് തുടങ്ങിയവര് നേത്യത്വം നല്കി.
