ജോഹന്നാസ്ബര്ഗ്ഗ്: ടി20 ക്രിക്കറ്റ് വന്നതോടെ ക്രിക്കറ്റിലെ ബാറ്റിംഗ് രീതികളില് വലിയ മാറ്റം സംഭവിച്ചിട്ടുണ്ട്. വെറും 20 ഓവറില് 200 റണ്സ് കടക്കുന്ന സാഹചര്യത്തില് വരും കാലത്ത് ക്രിക്കറ്റില് 300 പന്തുകളില് 500 കളിലേക്കും 600 ലേക്കും സ്കോര് എത്തുന്ന കാലം വിദൂരമല്ലെന്ന്് ക്രിക്കറ്റ് നിരീക്ഷകരും കരുതുന്നു. ഏകദിനത്തില് ഏറ്റവും കൂടുതല് തവണ 400 റണ്സിന് മുകളില് സ്കോര് ചെയ്യുന്ന കാര്യത്തില് ദക്ഷിണാഫ്രിക്ക ഇന്ത്യയുടെ റെക്കോഡ് പഴങ്കഥയാക്കി മാറ്റി. ഓസ്ട്രേലിയയ്ക്ക് എതിരേയുള്ള ഏകദിന പരമ്പരയിലെ കഴിഞ്ഞ മത്സരത്തില് അവര് അടിച്ചുകൂട്ടിയത് 416 റണ്സായിരുന്നു. ഏഴാം തവണയാണ് ദക്ഷിണാഫ്രിക്ക 400 ന് മുകളില് സ്കോര് ചെയ്യുന്നത്.
ലോകത്ത് ഏറ്റവും മികച്ച ബാറ്റിംഗ് നിരയുള്ള ഇന്ത്യ ആറു തവണയാണ് 400 ന് മുകളില് എത്തിയിട്ടുള്ളത്. ഓസ്ട്രേലിയയ്ക്കെതിരേ തന്നെ മുമ്പ് 436 റണ്സ് അടിച്ചുകൂട്ടി ഏകദിനത്തിലെ ഏറ്റവും ഉയര്ന്ന രണ്ടാമത്തെ സ്്കോറും ദക്ഷിണാഫ്രിക്ക പേരിലാക്കിയിട്ടുണ്ട്. ഓസ്ട്രേലിയയ്ക്ക് പുറമേ ശ്രീലങ്കയ്ക്ക് എതിരേയും രണ്ട് തവണ 400 ന് മുകളില് സ്കോര് ചെയ്തിട്ടുള്ള ദക്ഷിണാഫ്രിക്ക ഇന്ത്യ, എംഗാള്ഡന്, അയല്രാജ്യമായ സിംബാബ്വെ എന്നിവയ്ക്കെതിരെയും 400-ലധികം സ്കോര് ചെയ്തിട്ടുണ്ട്. കഴിഞ്ഞ മത്സരത്തില് ക്ലാസന് അടിച്ചു കൂട്ടിയ 85 പന്തില് 174 ആയിരുന്നു ദക്ഷിണാഫ്രിക്കയെ 400 കടത്തി വിട്ടത്. മത്സരം അവര് 164 റണ്സിന് ജയിക്കുകയും ചെയ്തു.
ക്രിക്കറ്റ് ഭ്രാന്തന് രാജ്യമായ ഇന്ത്യയ്ക്ക് ബാറ്റ് കൊണ്ട് സ്ഥിരതയാര്ന്ന പ്രകടനങ്ങള് കാഴ്ചവെച്ച അതിശക്തമായ ഏകദിന ടീമാണ് ഉള്ളത്. ഒരു ഇന്നിംഗ്സില് 400-ഓ അതിലധികമോ റണ്സ് സ്കോര് ചെയ്ത ആറ് മത്സരങ്ങളില് ബെര്മുഡ, വെസ്റ്റ് ഇന്ഡീസ്, ദക്ഷിണാഫ്രിക്ക, ശ്രീലങ്ക (രണ്ട് തവണ), ബംഗ്ലാദേശ് എന്നിവയാണ് ഇന്ത്യന് ബാറ്റിംഗിന്റെ ഇരകള്. അഞ്ചു തവണ 400 ന് മുകളില് സ്കോര് ചെയ്തിട്ടുള്ള ടീമാണ് ഇംഗ്ളണ്ട്. ന്യൂസിലന്റ്, വെസ്റ്റിന്ഡീസ്, ഓസ്ട്രേലിയ, പാകിസ്താന്, നെതര്ലണ്ട് ടീമുകള്ക്ക് എതിരേയായിരുന്നു ഇംഗ്ളണ്ടിന്റെ 400 റണ്സുകള്. 2022 ല് നെതര്ലണ്ടിനെതിരേ നേടിയ 498 ആണ് ഏകദിനത്തിലെ ഏറ്റവും ഉയര്ന്ന സ്കോര്.
