യുദ്ധം തുടരുന്നതിനിടെ ടെൽ അവീവിലുണ്ടായിരുന്ന 10 എയർ ഇന്ത്യ ജീവനക്കാരെ സുരക്ഷിതമായി ഒഴിപ്പിച്ചതായി റിപ്പോര്ട്ട്. കാബിന് ക്രൂ, പൈലറ്റുമാർ, എയർപോർട്ട് മാനേജർമാർ എന്നവരുൾപ്പെടുന്ന സംഘത്തെയാണ് ഒഴിപ്പിച്ചത്. എയര് ഇന്ത്യ ഇസ്രയേലിലേക്കുള്ള വിമാന സര്വീസും റദ്ദാക്കിയിട്ടുണ്ട്. ഈ മാസം 14 വരെ ടെല് അവീവിലേക്കുള്ള എയര് ഇന്ത്യ സര്വീസാണ് റദ്ദാക്കിയത്.
27 മേഘാലയ സ്വദേശികൾ ഈജിപ്ത് അതിർത്തി കടന്നതായി മുഖ്യമന്ത്രി കോൺറാഡ് സാങ്മ സ്ഥിരീകരിച്ചു. യുദ്ധ മേഖലയിൽ കുടുങ്ങിയ മേഘാലയ സ്വദേശികളും അതിർത്തി കടന്നു. ജെറുസലേമിലേക്ക് പോയവർ ബത്ലഹേമിലായിരുന്നു കുടുങ്ങിയത്. വിദേശകാര്യമന്ത്രാലയത്തിന്റെ സഹായത്തോടെയാണ് അതിർത്തി കടന്നത്.
ഹമാസുമായി ഇസ്രയേലിനുള്ളിൽ സൈന്യത്തിന്റെ ഏറ്റുമുട്ടൽ ഇപ്പോഴും തുടരുകയാണ്. ഇപ്പോഴും സൈനികർ അടക്കം നൂറിലേറെ പേർ ഹമാസിന്റെ ബന്ദികളാണ്. കനത്ത സുരക്ഷാ വലയം ഭേദിച്ച് ഇസ്രായേലിനുള്ളിൽ കടന്നതിന്റെ ദൃശ്യങ്ങൾ ഹമാസ് പുറത്തുവിട്ടു. 300 ഇസ്രായേൽ പൗരന്മാർ കൊല്ലപ്പെട്ടതായി സ്ഥിരീകരിച്ചു.
