മുംബൈ: അധോലോകത്ത് നിന്നും ഭീഷണി ഉയര്ന്ന പശ്ചാത്തലത്തില് ബോളിവുഡിലെ സൂപ്പര്താരം ഷാരൂഖിന്റെ സുരക്ഷകൂട്ടി. താരത്തിന് വൈ പ്ലസ് സുരക്ഷയാണ് മുംബൈ പോലീസ് നല്കിയിരിക്കുന്നത്. താരത്തിനൊപ്പം സായുധരായ ആറു സുരക്ഷാ ഉദ്യോഗസ്ഥരാണ് എപ്പോഴുമുള്ളത്. മുമ്പ് രണ്ടു സുരക്ഷാ ഉദ്യോഗസ്ഥര് മാത്രമാണ് താരത്തിനൊപ്പം ഉണ്ടായിരുന്നത്.
പത്താന്, ജവാന് സിനിമകളുടെ വിജയത്തിന് പിന്നാലെ തനിക്ക് നേരെ വധഭീഷണി ഉയര്ന്നിരിക്കുന്നതായി താരം നേരത്തേ മുംബൈ പോലീസിനെ അറിയിച്ചിരുന്നു. ഇതോടെയാണ് മഹാരാഷ്ട്രാ പോലീസ് താരത്തിന്റെ സുരക്ഷ കൂട്ടിയത്. അതേസമയം ഇത് രണ്ടാം തവണയാണ് ബോളിവുഡ് താരത്തിന് വൈ പ്ലസ് കാറ്റഗറിയിലുള്ള സുരക്ഷ നല്കുന്നത്. നേരത്തേ സല്മാന് ഖാനും സമാന രീതിയിലുള്ള സുരക്ഷ നല്കിയിരുന്നു. ലോറന്സ് ബിഷ്ണോയി ഗ്യാംഗില് നിന്നുമായിരുന്നു സല്മാന്ഖാന് ഭീഷണി ഉയര്ന്നിരുന്നത്.
നേരത്തെയും ഷാരൂഖ് ഖാന് മുംബൈ അധോലോകവുമായി ഏറ്റുമുട്ടിയിട്ടുണ്ട്. അധോലോക ഭീഷണികള്ക്കെതിരേ നിലകൊള്ളുന്ന ഷാരൂഖിന്റെ നിലപാടിനെ പ്രശംസിച്ച് ചലച്ചിത്ര നിര്മ്മാതാവ് സഞ്ജയ് ഗുപ്ത അടുത്തിടെ രംഗത്ത് വന്നിരുന്നു. 'ജവാനെ' പ്രശംസിക്കാന് സോഷ്യല് മീഡിയയില് എത്തിയ അദ്ദേഹം ഗുണ്ടാസംഘങ്ങളില് നിന്നുള്ള ഭീഷണികള് ഉള്പ്പെടെയുള്ള വെല്ലുവിളികളെ അതിജീവിക്കാനുള്ള ഷാരൂഖിന്റെ ദൃഢനിശ്ചയത്തെയും ചൂണ്ടിക്കാട്ടിയിരുന്നു.
തൊണ്ണൂറുകളില് സിനിമാ താരങ്ങളുടെ അധോലോക പീഡനം അതിന്റെ ഉച്ചസ്ഥായിയിലായിരുന്നപ്പോള് ഒരിക്കലും വഴങ്ങാത്ത ഒരേയൊരു താരം ഷാരൂഖ് ഖാന് ആയിരുന്നു. '' നിങ്ങള്ക്ക് വേണമെങ്കില് എന്നെ വെടിവയ്ക്കൂ, പക്ഷേ ഞാന് നിങ്ങള്ക്കായി പ്രവര്ത്തിക്കില്ല, ഞാന് ഒരു പത്താനാണ്.'' അദ്ദേഹം പറഞ്ഞു. ''അയാള് ഇപ്പോഴും അങ്ങനെതന്നെയാണ്.'' മിസ്റ്റര് ഗുപ്ത എക്സില് പോസ്റ്റ് ചെയ്തിരുന്നു.
മഹാരാഷ്ട്ര സര്ക്കാരിന്റെ നയം അനുസരിച്ച്, ജീവന് ഭീഷണി നേരിടുന്ന പൗരന്മാര്ക്ക് സുരക്ഷാ പരിരക്ഷ നല്കുന്നു. അത്തരം സന്ദര്ഭങ്ങളില്, പൗരന്മാര് ഒരു ഫീസ് നല്കണം അല്ലെങ്കില് സംരക്ഷണത്തിനായി ഒരു സെക്യൂരിറ്റി തുക നിക്ഷേപിക്കണം.
