ഈ മാസം 14ന് അഹ്മദാബാദിലെ നരേന്ദ്ര മോദി സ്റ്റേഡിയത്തില് ഇന്ത്യയും പാകിസ്താനും തമ്മില് നടക്കാനിരിക്കുന്ന ലോകകപ്പ് മത്സരവുമായി ബന്ധപ്പെട്ട് ബിസിസിഐ ഒരുക്കിയിരിക്കുന്നത് ശ്രദ്ധേയമായ പരിപാടികളെന്ന് റിപ്പോര്ട്ട്. മത്സരം കാണുന്നതിനായിപ്രത്യേക ക്ഷണിതാക്കളായി അമിതാഭ് ബച്ചനും രജനികാന്തും സച്ചിന് തെണ്ടുല്ക്കറും എത്തും. ഗായകന് അര്ജിത് സിംഗ് അടക്കമുള്ളവരുടെ പ്രകടനങ്ങളും മത്സരത്തിന് മുന്പുണ്ടാകുമെന്നും റിപ്പോര്ട്ടുണ്ട്.
ലോകകപ്പില് ഉദ്ഘാടന ചടങ്ങ് ഇല്ലാത്തത് വിമര്ശനങ്ങള്ക്ക് വഴിയൊരുക്കിയിരുന്നു.ലോകകപ്പില് ഇന്ത്യ ഇന്ന് രണ്ടാം അങ്കത്തിനായി ഇറങ്ങുകയാംണ്. അഫ്ഗാനിസ്താനിനെയാണ് ഇന്ന് ഉച്ചകഴിഞ്ഞ് 2 മണിക്ക് നടക്കുന്ന മത്സരത്തില് ഇന്ത്യ നേരിടുക. ഓസ്ട്രേലിയക്കെതിരായ ആദ്യ മത്സരം വിജയിച്ചതിന്റെ ആത്മവിശ്വാസത്തിലാണ് ഇന്ത്യ ഇന്ന് ഇറങ്ങുക. അഫ്ഗാനിസ്താനാവട്ടെ, ബംഗ്ലാദേശിനെതിരായ ആദ്യ കളി പരാജയപ്പെട്ടു.
ഡെങ്കി പനി ബാധിച്ച് ചികിത്സയിലായുരുന്ന ഇന്ത്യന് ഓപ്പണര് ശുഭ്മാന് ഗില് ഇന്നും ഇന്ത്യക്കായി കളിക്കില്ല. ഇഷാന് കിഷനായിരിക്കും ഓപ്പണറായി കളത്തിലിറങ്ങുക.സ്പിന് പിച്ചായ ചെന്നൈയില് മൂന്ന് സ്പിന്നര്മാരുമായി ഇറങ്ങിയ ഇന്ത്യ ഇന്ന് ടീം കോമ്പിനേഷനില് മാറ്റം വരുത്തുമോ എന്ന് കണ്ടറിയണം. അശ്വിനെ പുറത്തിരുത്തി ഷമി കളിച്ചേക്കാനിടയുണ്ട്. അഫ്ഗാനിസ്ഥാനാവട്ടെ പ്രതീക്ഷ വയ്ക്കുന്നത് സ്പിന്നര്മാരിലാണ്. റാഷിദ് ഖാന്, മുജീബ് റഹ്മാന്, മുഹമ്മദ് നബി എന്നീ മൂന്ന് ലോകോത്തര സ്പിന്നര്മാര്ക്കൊപ്പം ഫസലുല് ഹഖ് ഫറൂഖിയും നവീനുല് ഹഖും ചേരുന്ന ബൗളിംഗ് അറ്റാക്ക് കരുത്തരാണ്.
