സെലിബ്രിറ്റികളില് മിക്കവരും ദസറ വളരെ ആവേശത്തോടെയും സന്തോഷത്തോടെയും ആഘോഷിച്ച ചിത്രങ്ങളാണ് സോഷ്യല് മീഡിയയില് നിറയുന്നത്. ഓരോ ദിവസവും മിക്കവരും തങ്ങളുടെ ആഘോഷചിത്രങ്ങള് പങ്കിടുന്നുണ്ട്. ഇപ്പോഴിതാ തെന്നിന്ത്യന് താരമായ യഷും തന്റെ ആഘോഷചിത്രങ്ങള് പങ്കിട്ടിരിക്കുകയാണ്. കെ.ജി.എഫ് എന്ന ഒറ്റ സിനിമ മാത്രം മതി യഷ് എന്ന തെന്നിന്ത്യന് താരത്തെ ആരാധകര് നെഞ്ചിലേറ്റാന്. സോഷ്യല് മീഡിയയില് സജീവമായ താരം എല്ലാ വിശേഷങ്ങളും ചിത്രങ്ങളും അതിലൂടെ താരം പങ്കിടാറുണ്ട്. ഇപ്പോഴിതാ യഷിന്റെ ഭാര്യയും നടിയുമായ രാധിക പണ്ഡിറ്റ് തങ്ങളുടെ ദസറ ആഘോഷചിത്രങ്ങള് പങ്കിട്ടിരിക്കുകയാണ്. ഇന്റര്നെറ്റില് തരംഗമായി മാറിയിരിക്കുകയാണ് ഇവരുടെ ചിത്രങ്ങള്. ‘‘സന്തോഷവും അനുഗ്രഹവും നിറഞ്ഞ ദസറ ആശംസകൾ...’’ എന്ന് കുറിച്ചു കൊണ്ടാണ് രാധിക ചിത്രങ്ങള് പങ്കിട്ടത്. സ്കൈ ബ്ലൂ നിറത്തിലുള്ള സാരിയും സ്ലീവ്ലെസ് ബ്ലൗസും പരമ്പരാഗത സ്റ്റോണുകള് ധരിച്ച കമ്മലും മാലയും വളകളും ധരിച്ച രാധികയും വെളുത്ത പൈജാമ, ആഷ് നിറമുള്ള ബൂട്ടുകൾ, തലപ്പാവ്, സൺഗ്ലാസുകൾ എന്നിവയ്ക്കൊപ്പം ചാരനിറത്തിലുള്ള കുർത്തയും ധരിച്ച് യഷും രാജകീയ പ്രൗഢിയില് നില്ക്കുന്നത് ചിത്രങ്ങളില് കാണാം. ഉത്സവ മാനസികാവസ്ഥയിലുള്ള ചിത്രങ്ങളില് രണ്ടുപേരും അതിമനോഹരമായിട്ടാണ് തിളങ്ങുന്നത്.
നന്ദഗോകുലം എന്ന ടെലിവിഷൻ ഷോയുടെ സെറ്റിൽ വച്ചാണ് യാഷും രാധിക പണ്ഡിറ്റും കണ്ടുമുട്ടിയത്. ഡ്രാമ, മൊഗ്ഗിന മനസ്, മിസ്റ്റർ ആൻഡ് മിസിസ് രാമാചാരി, സന്തു സ്ട്രെയിറ്റ് ഫോർവേഡ് തുടങ്ങിയ സിനിമകൾ ഇരുവരും ഒരുമിച്ച് ചെയ്തിട്ടുണ്ട്. 2016 ഡിസംബറിലാണ് ഇവര് വിവാഹിതരായത്. അയ്റ എന്ന പെണ്കുട്ടിയും യാഥർവ് എന്ന ആൺകുട്ടിയുമാണ് ഇവര്ക്കുള്ളത്. യഷിന്റെ അവസാനത്തെ ബ്ലോക്ക്ബസ്റ്റർ കെജിഎഫ് ചാപ്റ്റർ 2 ആയിരുന്നു. താരത്തിന്റെ വരാനിരിക്കുന്ന ചിത്രം നിതേഷ് തിവാരി സംവിധാനം ചെയ്യുന്ന രാമായണമാണ്. അതിൽ രൺബീർ കപൂറും സായ് പല്ലവിയുമാണ് മറ്റ് കേന്ദ്രകഥാപാത്രങ്ങള്.
ആരാധകര് ഏറ്റെടുത്ത യഷിന്റെ കുടുംബ ചിത്രങ്ങളില് പലരും സന്തോഷകരമായ കമന്റുകളും കുറിക്കുന്നുണ്ട്. ‘എപ്പോഴും എന്നപോലെ ഒരു റോക്കിംഗ് ദമ്പതികൾ, ഈ അത്ഭുതകരമായ ചിത്രങ്ങൾ പോസ്റ്റ് ചെയ്തതിന് നന്ദി....’ എന്നതടക്കമായ കമന്റുകള്. 758k-ലധികം ലൈക്കുകളാണ് ചിത്രങ്ങള്ക്ക് ലഭിച്ചത്.
Comments