ന്യൂയോര്ക്ക്: മദ്യവും മയക്കുമരുന്നും നല്കി എട്ടാം ക്ലാസ് വിദ്യാര്ഥിയുമായി ലൈംഗിക ബന്ധം നടത്തിയ അധ്യാപിക എട്ട് വര്ഷത്തിന് ശേഷം അറസ്റ്റില്. കേസിനാസ്പദമായ സംഭവം നടന്നത് 2015 ല് മോണ്ട്ഗൊമെരി മിഡില് സ്കൂളിലായിരുന്നു. മെലിസ മേരി കര്ടിസ് എന്ന മുപ്പത്തിയൊന്നുകാരിയാണ് പിടിയിലായത്.
അടുത്തിടെയാണ് തനിക്ക് 14 വയസ്സ് മാത്രം പ്രായമുള്ളപ്പോള് അധ്യാപികയായിരുന്ന മെലിസ തന്നെ ലൈംഗികമായി ദുരുപയോഗം ചെയ്തുവെന്ന പരാതിയുമായി യുവാവ് രംഗത്തെത്തിയെത്. തുടര്ന്ന് പോലീസ് നടത്തിയ അന്വേഷണത്തിലാണ് മെലിസ എട്ട് വര്ഷങ്ങള്ക്ക് മുന്പ് വിദ്യാര്ഥിക്ക് മദ്യവും കഞ്ചാവും നല്കി 20 ലേറെ തവണ ലൈംഗികമായി ഉപയോഗിച്ചുവെന്ന് കണ്ടെത്തിയത്. മെലീസ രണ്ട് വര്ഷത്തോളം ഇതേ സ്കൂളില് അധ്യാപികയായിരുന്നതായും 2015 ജനുവരി മുതല് മെയ്യ് വരെയുള്ള കാലയളവിലാണ് പീഡനം നടന്നതെന്നും അന്വേഷണ സംഘം പറയുന്നു. മെലിസയുടെ വീട്ടില് വച്ചും വാഹനത്തില് വച്ചുമായിരുന്നു പീഡിപ്പിച്ചത്. മെലിസയ്ക്കെതിരെ ഒക്ടോബര് 31 ന് അറസ്റ്റ് വാറന്റ് പുറപ്പെടുവിച്ചിരുന്നു.
