അവഗണിപ്പെടുമ്പോള് എങ്ങിനെ തിരിച്ചുവരണമെന്ന് പഠിക്കണമെങ്കില് ഇന്ത്യന് ബൗളര് മുഹമ്മദ് ഷമിയോട് ചോദിച്ചു നോക്കിയാല് മതി. ഇന്ത്യന് ഓള്റൗണ്ടര് ഹര്ദിക് പാണ്ഡ്യയ്ക്ക് പരിക്കേറ്റപ്പോള് ഇടിത്തീയേറ്റ പോലെ തലയില് കൈവെച്ച് ഇരുന്നവരാണ് ആരാധകര്. എന്നാല് ഉര്വ്വശീശാപം ഉപകാരപ്രദമായി എന്ന് പറയുന്നത് പോലെയായി കാര്യം. ലോകകപ്പില് ആദ്യ മൂന്ന് മത്സരങ്ങളിലും തഴയപ്പെട്ട ഷമി തന്റെ കഴിവില് സംശയിച്ചവര്ക്ക് ഇതിനേക്കാള് നല്ല മറുപടി പറയുക അസാധ്യം.
ഹാര്ദിക് പാണ്ഡ്യയുടെ പരിക്കിനെത്തുടര്ന്ന് പ്ലേയിംഗ് ഇലവനില് പ്രവേശിച്ച അദ്ദേഹം ലോകകപ്പില് വമ്പന് പ്രകടനം നടത്തിയാണ് ടീമില് സ്ഥിരപ്രതിഷ്ഠ നേടിയത്. കിട്ടിയ അവസരം മുതലെടുത്തപ്പോള് കളിച്ച ഏഴു മത്സരങ്ങളില് നിന്നും വന്നത് 23 വിക്കറ്റുകള്. അതില് തന്നെ മൂന്ന് കളികളില് അഞ്ചോ അതിലധികമോ വിക്കറ്റ് നേട്ടവും. ഈ ലോകകപ്പ് കലാശപ്പോരിന് ഇന്ത്യ യോഗ്യത നേടുമ്പോള് ഇന്ത്യന് ടീമിലെ ബൗളിംഗ് ആരേക്കാളും തോളിലേറ്റിയത് മുഹമ്മദ് ഷമിയായിരുന്നു. മുംബൈയിലെ വാങ്കഡെ സ്റ്റേഡിയത്തില് നടന്ന 2023 ഐസിസി ക്രിക്കറ്റ് ലോകകപ്പിന്റെ ആദ്യ സെമിഫൈനലില് ഇന്ത്യ ന്യൂസിലന്ഡിനെ 70 റണ്സിന് പരാജയപ്പെടുത്തിയപ്പോള്, ആതിഥേയ ടീമിന്റെ വിജയത്തില് നിരവധി കളിക്കാരുടെ മികച്ച പ്രകടനങ്ങളാല് സമൃദ്ധമായിരുന്നെങ്കിലും പ്ലെയര് ഓഫ് ദി മാച്ച് മുഹമ്മദ് ഷമിയുടെ മികച്ച ബൗളിംഗ് പ്രകടനം മാസ്റ്റര് ക്ലാസ്സായിരുന്നു. ഫൈനലില് ഇന്ത്യയുടെ സ്ഥാനം ഉറപ്പിക്കുക മാത്രമല്ല, ഈ പ്രക്രിയയില് നിരവധി റെക്കോര്ഡുകള് തകര്ക്കുകയും ചെയ്തു.
സെമിഫൈനലില് ഏഴു വിക്കറ്റുകളായിരുന്നു ഷമി വീഴ്ത്തിയത്. കളിയില് വേണ്ടയിടത്തെല്ലാം ടീമിന് ബ്രേക്ക്ത്രൂ നല്കാന് ഷമിയുണ്ടായിരുന്നു. ആറാമത്തെ ഓവറിലെ ആദ്യ പന്തില് 13 റണ്സ് എടുത്ത ഡെവണ് കോണ്വോയിയെ കീപ്പര് രാഹുലിന്റെ കയ്യില് എത്തിച്ച ഷമി ഏഴാം ഓവറില് 13 റണ്സ് എടുത്ത രചിന് രവീന്ദ്രയേയും കീപ്പറിന്റെ കയ്യില് എത്തിച്ചു. അടുത്ത സ്പെല് എറിയാന് എത്തിയ ഷമി 33ാം ഓവറില് കെയ്ന് വില്യംസണെ (73 പന്തില് 69) പുറത്താക്കി ഒരുപക്ഷേ വിജയത്തിലേക്ക് നീങ്ങുമായിരുന്ന വമ്പന് കൂട്ടുകെട്ടിനെയും പൊളിച്ചടുക്കി. സെഞ്ചുറി തികച്ച ഡാരില് മിച്ചലുമായുള്ള കിവീസ് നായകന് മൂന്നാം വിക്കറ്റില് ഉണ്ടാക്കിയ 181 റണ്സ് കൂട്ടുകെട്ടാണ് തകര്ത്തു വിട്ടത്. രണ്ട് പന്തുകള്ക്ക് ശേഷം, ടോം ലാതമിനെ ഡക്കിന് പുറത്താക്കി മത്സരത്തിലെ തന്റെ നാലാം വിക്കറ്റ് വീഴ്ത്തി. പിന്നീട്, 119 പന്തില് 134 റണ്സ് നേടിയ ഡാരില് മിച്ചലിനെ അദ്ദേഹം പുറത്താക്കി, ടൂര്ണമെന്റിന്റെ ഫൈനലില് ഇന്ത്യയുടെ സ്ഥാനം ഏകദേശം ബുക്ക് ചെയ്തു. കളിയുടെ അവസാന ഓവറില്, ടിം സൗത്തിയുടെയും ലോക്കി ഫെര്ഗൂസന്റെയും വിക്കറ്റ് വീഴ്ത്തി.
57 റണ്സിന് 7 വിക്കറ്റ് വീഴ്ത്തിയ ഷമിയുടെ അവസാന ബൗളിംഗ് കണക്കുകള് ഏകദിന ലോകകപ്പുകളില് മാത്രമല്ല, ഇന്ത്യയുടെ മുഴുവന് ഏകദിന ചരിത്രത്തിലെയും ഒരു ഇന്ത്യന് ക്രിക്കറ്ററുടെ ഏറ്റവും മികച്ച ബൗളിംഗായിരുന്നു. 2023ലെ ഐസിസി ക്രിക്കറ്റ് ലോകകപ്പില് ഇംഗ്ലണ്ടിനെതിരെ ഡര്ബനില് 6/23 എന്ന ആശിഷ് നെഹ്റയുടെ ബൗളിംഗ് കണക്കുകളും 2014ല് മിര്പൂരില് ബംഗ്ലാദേശിനെതിരെ സ്റ്റുവര്ട്ട് ബിന്നിയുടെ 6/4 എന്ന ബൗളിംഗ് കണക്കുകളും അദ്ദേഹത്തിന്റെ കണക്കുകള് മറികടന്നു.
ലോകകപ്പില് ഏറ്റവും വേഗത്തില് 50 വിക്കറ്റ് തികച്ചതിന്റെ റെക്കോഡും ഷമി നേടി 2015 മുതല് ഇന്നുവരെ 3 ഏകദിന ലോകകപ്പുകളില് ഇന്ത്യയെ പ്രതിനിധീകരിച്ച ഷമി 17 മത്സരങ്ങളില് നിന്ന് ലോകകപ്പില് ഏറ്റവും വേഗത്തില് 50 വിക്കറ്റ് തികച്ച താരമാണ്. ഓസീസിന്റെ മിച്ചല് സ്റ്റാര്ക്കിന്റെ 19 മത്സരങ്ങളുടെ റെക്കോര്ഡാണ് മറികടന്നത്. ലോകകപ്പില് ഒരു ഇന്ത്യന് കളിക്കാരന് നേടുന്ന കൂടുതല് വിക്കറ്റുകളും ഇതായിരുന്നു. ഏകദിന ലോകകപ്പുകളില് (54 വിക്കറ്റ്) ഏറ്റവും കൂടുതല് വിക്കറ്റ് വീഴ്ത്തിയ ഇന്ത്യന് താരമെന്ന റെക്കോര്ഡ് ഷമി സ്വന്തമാക്കി. ഐസിസി ക്രിക്കറ്റ് ലോകകപ്പില് ഏറ്റവും കൂടുതല് വിക്കറ്റ് വീഴ്ത്തുന്ന ബൗളര് 71 വിക്കറ്റ് വീഴ്ത്തിയ ഗ്ളെ മഗ്രാത്ത് ആണ്.
ലോകകപ്പിന്റെ ഒരു പതിപ്പില് ഒരു ഇന്ത്യക്കാരന്റെ ഏറ്റവും കൂടുതല് വിക്കറ്റുകളും ഷമിയുടേതായിരുന്നു നിലവിലെ ലോകകപ്പില് ഇന്ത്യ കളിച്ച 10 മത്സരങ്ങളില് ഏഴു എണ്ണത്തില് മാത്രം കളിച്ചിട്ടുണ്ടെങ്കിലും 9.13 എന്ന അതിശയിപ്പിക്കുന്ന ശരാശരി. ഐസിസി ക്രിക്കറ്റ് ലോകകപ്പില് ഏറ്റവും കൂടുതല് 5 വിക്കറ്റ് നേട്ടം എന്ന റെക്കോര്ഡും ഷമി സ്വന്തമാക്കി. നവംബര് 19 ന് ഇന്ത്യ ലോകകപ്പ് ഫൈനല് കളിക്കാന് ഒരുങ്ങുമ്പോള്, ഷമിയുടെ ഒരു പിഴവിനായി ക്രിക്കറ്റ് വിദഗ്ദ്ധരും വിമര്ശകരും മാത്രമല്ല എതിര്ടീമും കണ്ണു മിഴിച്ച് കാത്തിരിക്കുകയാണ്.
