തിരുവനന്തപുരം: കേരളത്തെ നടുക്കിയ കുട്ടിയെ തട്ടികൊണ്ടു പോകല് കേസില് പ്രതികളെന്നു സംശയിക്കുന്ന രണ്ട് പേര് പോലീസ് കസ്റ്റഡിയിലുള്ളതായി സൂചന. കുണ്ടറ 'ജിം' എന്ന് അറിയപ്പെടുന്നയാളും ഇയാളുടെ അടുത്ത ബന്ധുവായ സ്ത്രീയുമാണ് പ്രത്യേക സംഘത്തിന്റെ കസ്റ്റഡിയില്.
രേഖാചിത്രവുമായി സാമ്യമുള്ള വ്യക്തി ഇപ്പോള് പോലീസിന്റെ െകെവലയത്തിലാണെന്നാണ് സൂചന. അബിഗേല്സാറയെ തട്ടികൊണ്ടുപോയത് കസ്റ്റഡിയിലുള്ളവരാണെന്നാണ് പ്രാഥമിക നിഗമനം. എന്നാല് ഇക്കാര്യം ഔദ്യോഗികമായി പോലീസ് പുറത്ത് വിട്ടിട്ടില്ല. ആറുപേര് അടങ്ങുന്ന സംഘമാണ് ആസൂത്രണത്തിന് പിന്നില് എന്ന വിലയിരുത്തല് ശരി വയ്ക്കുന്നുണ്ട്. മുഖ്യ സൂത്രധാര കുണ്ടറയിലെ കുപ്രസിദ്ധ വ്യക്തിയുടെ ഉറ്റ ബന്ധുവാണെന്നും കരുതുന്നു. കൊല്ലം ജില്ലയുടെ മുക്കും മൂലയും ഇവര്ക്ക് നന്നായി അറിയാമെന്നാണ് പോലീസിന് കിട്ടിയ വിവരം.
പക്ഷേ ഇവര് ആണെങ്കില് എന്തിന് കുട്ടിയെ തട്ടികൊണ്ടു പോയി വിലപേശല് നടത്തിയെന്ന നിര്ണായക ചോദ്യത്തിന് ഇനിയും ഉത്തരം ലഭിച്ചിട്ടില്ല. സ്ഥലപരിചയമുള്ളതിനാലാണ് പ്രത്യേക സംഘത്തെ വെട്ടിച്ച് ഇവര്ക്കു കടക്കാനായത്. പട്ടാപ്പകല് കുട്ടിയെ തിരക്കേറിയ ആശ്രാമം െമെതാനത്ത് ഉപേക്ഷിക്കാന് െധെര്യം നല്കിയതു സ്ഥലപരിചയവും ആരും തിരിച്ചറിയില്ലെന്ന ആത്മവിശ്വാസവുമാണെന്നു പോലീസ് പങ്ക് വയ്ക്കുന്നു.
ശക്തമായ പോലീസ് പരിശോധനയ്ക്ക് ഇടയില് കുട്ടിയെ ഉപേക്ഷിക്കാന് സംഘത്തിലെ സ്ത്രീ പകല് സമയം ഓട്ടോറിക്ഷയിലെത്തിയത് പോലീസ് സേനയ്ക്ക് നാണക്കേടായി. കുട്ടിയെ തട്ടിക്കൊണ്ടുപോയ വാഹനം കണ്ടെടുക്കാനാവാത്തതും നാണക്കേടായി.
പണം ആവശ്യപ്പെട്ട് വിളിച്ച സ്ത്രീയുടെ ശബ്ദത്തില്നിന്നും ചില ദൃക്സാക്ഷികളുടെ വിവരണത്തില്നിന്നും സംശമുള്ളവരുടെ പട്ടിക പൊലീസ് തയാറാക്കിയിട്ടുണ്ട്. കല്ലമ്പലം ഭാഗത്തു വാടകയ്ക്കു താമസിച്ചിരുന്ന സ്ത്രീയെ കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്. മുന്പ് ചില സാമ്പത്തിക തട്ടിപ്പ് കേസുകളില് ഇവര് ഉള്പ്പെട്ടിട്ടുണ്ട്. താമസിച്ചിരുന്ന വാടക വീട്ടില് ഇവരെ കണ്ടെത്താനായില്ല.
