ബ്രസീലിയന് ഫുട്ബോള് താരം നെയ്മറും കാമുകി ബ്രൂണ ബിയാന്കാര്ഡിക്കും വേര്പിരിഞ്ഞു. ബ്രൂണ തന്നെ തന്റെ സോഷ്യല് മീഡിയയിലൂടെ ഈ കാര്യം വെളിപ്പെടുത്തുകയായിരുന്നു. കഴിഞ്ഞ മാസമായിരുന്നു നെയ്മറിനും ബ്രൂണയ്ക്കും പെണ്കുഞ്ഞ് പിറന്നത്.
'ഇത് തികച്ചും സ്വകാര്യമായ കാര്യമാണ്. പക്ഷേ ഞാന് എല്ലാദിവസവും വാര്ത്തകളിലും പരിഹാസങ്ങളിലും ഊഹാപോഹങ്ങളിലും നിറഞ്ഞുനില്ക്കുന്നതിനാല് ഒരു കാര്യം നിങ്ങളെ അറിയിക്കുകയാണ്. ഞാന് ഇപ്പോള് റിലേഷന്ഷിപ്പില് അല്ല. ഞാനും നെയ്മറും തമ്മില് ഇപ്പോള് മാവിയുടെ മാതാപിതാക്കള് എന്ന ബന്ധം മാത്രമാണുള്ളത്. ഇതുമായി ബന്ധപ്പെട്ട വാര്ത്തകളും ചര്ച്ചകളുമെല്ലാം ഇതോടുകൂടി അവസാനിക്കുമെന്ന് ഞാന് കരുതുന്നുവെന്നാണ് ബ്രൂണ സോഷ്യല് മീഡിയയില് കുറിച്ചത്.
കഴിഞ്ഞ ദിവസം നെയ്മര് ബ്രസീലിയന് മോഡല് കൂടിയായ അലിന് ഫാരിയാസിന് അയ്ച്ച മെസ്സേജുകള് പുറത്തുവന്നിരുന്നു. നെയ്മര് മെസ്സേജ് അയച്ചത് മോഡലിന്റെ നഗ്നചിത്രങ്ങള് ആവശ്യപ്പെട്ടായിരുന്നു.എന്നാല് ഇതെല്ലാം തള്ളികളഞ്ഞുകൊണ്ട് നെയ്മറുെം രംഗത്തെത്തിയിരുന്നു. അത് വര്ഷങ്ങള്ക്ക് മുമ്പുള്ള മെസ്സേജ് ആണെന്നും നെയ്മര് വ്യക്തമാക്കിയിരുന്നു.2012 ലാണ് ബ്രൂണയും നെയ്മറും കണ്ടുമുട്ടുന്നത് 6 വര്ഷത്തെ പ്രണയത്തിന് ശേഷം അവര് വേര്പിരിഞ്ഞിരുന്നു. 2022 ല് വീണ്ടും ഇരുവരും ഒന്നിക്കുകയായിരുന്നു. വിവാഹനിശ്ചയം വരെ കാര്യങ്ങള് എത്തിയെങ്കിലും ഇതിനിടയില് വീണ്ടും പ്രശ്നങ്ങളുണ്ടായി. പിന്നീട് പ്രശ്നം സംസാരിച്ച് പരിഹരിച്ച രണ്ടുപേരും 2023-ല് ഒരുമിച്ചു. കഴിഞ്ഞ മാസം ഇവര് മാതാപിതാക്കളായെന്ന സന്തോഷവും പങ്കുവച്ചിരുന്നു. നെയ്മറിന് മുന് കാമുകിയായ കരോളിന ഡാന്റാസുമായുള്ള ബന്ധത്തില് 13 വയസ്സുള്ള മകനുണ്ട്.
