ലക്നൗ: ഇതിനെ ഇന്ത്യയുടെ ഉള്നാടന് പ്രദേശങ്ങളില് നിന്നുള്ള ഇംഗ്ളീഷ് വിംഗ്ളീഷ് എന്ന് വേണമെങ്കില് പറയാം. ഇവിടെ താരം 2.9 ലക്ഷം സബ്സ്ക്രൈബേഴ്സ് ഉള്ള യൂ ട്യൂബര് 29 കാരി യശോധാ ലോഥിയാണ്. ഉത്തര്പ്രദേശിന്റെ ഉള്നാടന് ഗ്രാമത്തില് നിന്നുള്ള വെറും 12 ാം ക്ലാസ്സ് വിദ്യാഭ്യാസം മാത്രമുള്ള കക്ഷിയുടെ ഇംഗ്ളീഷ് സ്പീക്കിംഗ് കോഴ്സിന്റെ വീഡിയോകള് ഇതിനകം നേടിയത് 2.6 കോടി വ്യൂവേഴ്സാണ്.
ഒരു പക്ഷേ നഗരത്തിലെ ഇംഗ്ളീഷ് സ്വകാര്യസ്കൂളുകള്ക്ക് ഇവരുടെ ഇംഗ്ളീഷില് അത്ര മതിപ്പ് കണ്ടേക്കാന് സാധ്യതയില്ലായിരിക്കാം. എന്നാല് തിരിച്ചടികളും ദൗര്ഭാഗ്യങ്ങളും ജീവിതത്തെ തോല്പ്പിക്കുമ്പോള് എങ്ങിനെ കരകയറാം എന്നതിന് ഇവരുെട ജീവിതം ഒരു പാഠപ്പുസ്തകമാണ്. പെണ്കുട്ടിയായതിന്റെ പേരില് മാതാപിതാക്കളും ബന്ധുക്കളും അവണഗിക്കപ്പെടുകയും പലതവണ മുടങ്ങി 12 ാം ക്ലാസ്സില് വിദ്യാഭ്യാസം അവസാനിക്കുകയും ചെയ്തയാളാണ് യശോധ. വിവാഹം കഴിച്ചത് ഒരു ദിവസക്കൂലിക്കാരനെയായിരുന്നു. എന്നാല് ഒരു അപകടത്തെ തുടര്ന്ന് വരുമാനമാര്ഗ്ഗം വിധി തട്ടിയെടുക്കുകയും ചെയ്തു. ഇതിന് പുറമേ ബാങ്ക് ലോണിന്റെ ബാദ്ധ്യതയും ഭര്ത്താവിന്റെ ചികിത്സയ്ക്കുള്ള ചെലവുകള് വേറെയും. സാധാരണക്കാരായ മനുഷ്യര് പതറിപ്പോകുന്ന ഘട്ടത്തില് പക്ഷേ യശോധ ഭയന്നില്ല. ജീവിതത്തില് എല്ലാം തനിയെ പഠിക്കാന് ശ്രമിക്കുന്ന പൊരുതിനോക്കാന് ധൈര്യമുള്ള യശോധ വിട്ടില്ല. യൂട്യൂബില് വീഡിയോ ചെയ്യാന് തുടങ്ങി.
എല്ലാ ഷോട്ടിലും ദുപ്പട്ടയുള്ള യുവതിക്ക് പെട്ടെന്ന് തന്നെ ആയിരക്കണക്കിന്ന വിശ്വസ്തരായ ഫോളോവേഴ്സ് ഉണ്ടായി. കഴിഞ്ഞ മെയ് മാസം മുതല് വീഡിയോ ചെയ്തു തുടങ്ങിയ ഇവരിപ്പോള് കാഴ്ചക്കാര്ക്ക് അയലത്തെ സ്ത്രീയെപ്പോലെയായി. മാസംതോറും ഇപ്പോള് 25,000 രൂപ വീതം യൂട്യുബില് നിന്നും വരുമാനം ഉണ്ടാക്കുന്ന ഇവരുടെ വീഡിയോകള് ഗ്രാമങ്ങളില് മാത്രമല്ല നഗരങ്ങളില് പോലും ചര്ച്ചയായിട്ടുണ്ട്.
'ഇംഗ്ളീഷ് വിത്ത് ദേഹത്തി മാഡം' എന്നാണ് യശോധയുടെ യൂട്യൂബ് ചാനലിന്റെ പേര്. അടിസ്ഥാന വിവരങ്ങള് മനസ്സിലാക്കിയുള്ള ബോധന രീതി മുതലാണ് തുടക്കം. 'ഹൗ ടൂ ക്രീയേറ്റ് ആന് ഇംഗ്ളീഷ് സ്പീക്കിംഗ് എന്വയോണ്മെന്റ്', 'ഈസ് ഗ്രാമര് ഇംപോര്ട്ടന്റ്? 'ഐഡിയം...കട്ട് ടു ദി ചേസ്', 'മിസ്റ്റേക്സ്. ഹാവ് എ ഫീയര് ഓഫ് മേകിംഗ് മിസ്റ്റേക്സ്' എന്നിങ്ങനെ പോകുന്നു യശോധയുടെ വീഡിയോകള്. 'ഹൗടു തിങ്ക് ഇന് ഇംഗ്ളീഷ്' എന്ന തന്റെ വീഡിയോകളില് ഒന്നില് ലോഥി പറയുന്നു. സംസാരിക്കുന്നതിന് മുമ്പ് ഇംഗ്ളീഷില് ചിന്തിക്കുന്നില്ല എന്നതാണ് പലരുടേയും പ്രശ്നം. എന്നാല് ഒഴൂക്കോടെ സംസാരിക്കാനുള്ള കഴിവ് പരിഭാഷാ രീതി തന്നെ ഇല്ലാതാക്കുമെന്നും യശോധ പറയുന്നു.
ഇംഗ്ളീഷില് എങ്ങിനെ ചിന്തിക്കാമെന്നും ഇവര് വിശദീകരിക്കുന്നു. പുസ്തകങ്ങള് വായിക്കുന്നതാണ് ഇംഗ്ളീഷില് മികവ് കിട്ടാനുള്ള ഏറ്റവും നല്ല മാര്ഗ്ഗമെന്നും ഇവര് പറയുന്നു. വായന മികവ് മെച്ചപ്പെടുത്തുമെന്ന് 100 ശതമാനം ഉറപ്പാണെന്ന് ഇവര് തന്റെ വിദ്യാര്ത്ഥികളോട് പതിവായി പറയുന്നു. ഇതിനൊപ്പം തന്റെ ജീവിതത്തിലെ ഏടുകളും ഇവര് കൂട്ടിച്ചേര്ക്കുന്നു. രണ്ട് അയല്ക്കാര് തമ്മിലുള്ള സംഭാഷണം എന്ന വീഡിയോയില് എന്റെ പ്രിയപ്പെട്ട അമ്മായിയമ്മയും മരുമകളും എന്നത് പോലെയുള്ള ചിലത് തമാശ രീതിയിലാണ് ചിത്രീകരിച്ചിട്ടുള്ളത്.
യൂ ട്യൂബ് വരുമാനമായതോടെ ലോഥി തന്റെ ബാങ്ക് വായ്പ മുഴുവന് അടച്ചുതീര്ത്തു. ഭര്ത്താവ് രാധേയ്ക്ക് ഉണ്ടായ അപകടമായിരുന്നു ലോഥിയെ യൂട്യൂബ് സംരംഭകയാക്കി മാറ്റിയത്. ഇപ്പോള് വരുമാനത്തില് ഇവര് ഭര്ത്താവിനെ സഹായിക്കുകയും ചെയ്യുന്നു. ദേശീ കുക്കിംഗുമായിട്ടാണ് ചാനലിലേക്ക് ലോഥി കടന്നത്. പിന്നീട് എംബ്രോയ്ഡറിയും ഡെക്കറേഷനും നോക്കി.
ഒന്നും രക്ഷപ്പെട്ടില്ല. ഇതോടെ കണ്ടന്റ് ക്രീയേഷനും വീഡിയോ എഡിറ്റിംഗും ഓണ്ലൈന് ട്രാക്ഷനുമൊക്കെ നെറ്റില് മണിക്കൂറുകള് ചെലവിട്ട് പഠിച്ചു. 2022 ആദ്യമാണ് നല്ല ഒഴൂക്കുള്ള ഇംഗ്ളീഷില് നടത്തുന്ന മോട്ടിവേഷണല് സ്പീക്കര്മാരുടെ വീഡിയോകള് കാണാനിടയായത്. ഇതാണ് നാട്ടിന്പുറംകാരിയുടെ ഇംഗ്ളീഷില് കമ്യൂണിക്കേഷന് എന്ന ആശയം ഉണ്ടാക്കിക്കൊടുത്തത്. ഇതിനായി സ്വന്തമായി ഇംഗ്ളീഷ് പഠിച്ചു.
ഗ്രാമീണയുവതി എന്ന തന്റെ ഐഡന്റിറ്റിയും ഗുണമായതായി ഇവര് പറയുന്നു. തന്റെ ഗ്രാമത്തില് തന്നെ അനേകം ഫോളോവേഴ്സിനെ ലോഥിക്ക് കിട്ടി. തന്റെ ഇംഗ്ളീഷ് കേള്ക്കുമ്പോള് തന്റെ ഗ്രാമത്തിലുള്ള സ്ത്രീകള് ചിരിക്കുമെന്നും ഈ ഭാഷ പഠിക്കാന് അവര്ക്ക് പ്രത്യേകിച്ച് ഒരു താല്പ്പര്യവുമില്ല. അവരുടെ മക്കളെയും പഠിക്കാന് വിടില്ലെന്ന് ലോഥി പറയുന്നു. അതേസമയം സ്വന്തം വീട്ടില് വലിയ സ്വീകരണമാണ് കിട്ടിയത്. എന്റെ മരുമകളും ഇപ്പോള് താല്പ്പര്യം കാണിച്ചിരിക്കുകയാണെന്നും പറയുന്നു.
