സര്ക്കാര് ചിന്നക്കനാല് വില്ലേജിലെ 364.39ഹെക്ടര് ഭൂമി റിസര്വ് വനമായി പ്രഖ്യാപിക്കുന്നത് സംബന്ധിച്ച് വനംവകുപ്പ് പുറത്തിറക്കിയ പ്രാഥമിക വിജ്ഞാപനം മരവിപ്പിച്ചു.
പ്രതിഷേധം ശക്തമായതോടെയാണ് ഇത്തരമൊരു നടപടി. വനം-വന്യജീവി വകുപ്പ് മന്ത്രി എ.കെ. ശശീന്ദ്രനാണ് ചിന്നക്കനാല് റിസര്വുമായി ബന്ധപ്പെട്ട തുടര് നടപടികള് മരവിപ്പിച്ചതായി അറിയിച്ചത്.
മന്ത്രി എ.കെ.ശശീന്ദ്രന് ഇടുക്കി ജില്ലയില് ഹിന്ദുസ്ഥാന് ന്യൂസ് പ്രിന്റിന് പാട്ടത്തിന് കൊടുത്തിരുന്നതും പാട്ടക്കാലാവധി അവസാനിച്ചതുമായ പ്രദേശം 'ചിന്നക്കനാല് റിസര്വ്' ആയി പ്രഖ്യാപിക്കാനുള്ള പ്രാഥമിക വിജ്ഞാപനം സംബന്ധിച്ച് ചര്ച്ച ചെയ്യുന്നതിനായി ചീഫ് സെക്രട്ടറിയുടെ അധ്യക്ഷതയില് ഇന്ന് യോഗം ചേര്ന്നതായും കാര്യങ്ങള് വിശദമായി വിലയിരുത്തിയതായും അറിയിച്ചു.
