ശക്തമായ കാറ്റും മഴയും തുടരുന്ന സാഹചര്യത്തില് ചെന്നൈ വിമാനത്താവളം ചൊവ്വാഴ്ച രാവിലെ ഒമ്പത് മണി വരെ അടച്ചിടും. കനത്ത മഴയെ തുടർന്ന് 20 വിമാനങ്ങൾ വൈകുകയും 10 വിമാനങ്ങൾ റദ്ദാക്കുകയും ചെയ്തിരുന്നു. ചെന്നൈ വിമാനത്താവളത്തില് നിന്നുള്ള വിമാന സര്വ്വീസുകള് നേരത്തെ റണ്വേയില് വെള്ളം കയറിയതിനാൽ രാത്രി 11 മണി വരെ നിര്ത്തിവെച്ചിരുന്നു.
അതേസമയം, മിഷോങ് തീവ്ര ചുഴലിക്കാറ്റ് നാളെ ഉച്ചയ്ക്ക് മുൻപ് ആന്ധ്രയിൽ തീരം തൊടും. ചെന്നൈയിൽ ഇപ്പോഴും കനത്ത മഴ തുടരുന്നുണ്ട്. ഇവിടങ്ങളില് മഴ പൂർണമായി മാറി രണ്ട് മണിക്കൂറിനു ശേഷമെ വൈദ്യുതി പുന:സ്ഥാപിക്കാൻ സാധിക്കൂവെന്ന് അധികൃതര് അറിയിച്ചു.
