ഡെറാഡൂണ്: റിസോര്ട്ടില് റൂം നിഷേധിച്ചതിന് റെയ്ഡ് നടത്തി ഹോട്ടല് ഉടമയെ കുടുക്കിലാക്കാന് ശ്രമിച്ച എസ്ഐ യ്ക്കും സഹഉദ്യോഗസ്ഥര്ക്കും ഹൈകോടതി ഇടപെടലില് സസ്പെന്ഷന്. ഡെറാഡൂണിലെ രാംനഗര് സ്റ്റേഷന് ഹെഡ് ഓഫീസര് അരുണ് സെയ്നിക്കാണ് പണികിട്ടിയത്. കുമാവോണ് റേഞ്ചിലെ ഐജി യോഗേന്ദ്ര സിംഗ് റാവത്ത് അരുണ് സെയ്നിയെ സസ്പെന്റ് ചെയ്തു. ഉത്തരാഖണ്ഡ് ഹൈക്കോടതിയുടെ ഇടപെടലിലാണ് എസ്ഐ യ്ക്ക് പണി കിട്ടിയത്. റിസോര്ട്ട് ഉടമ നല്കിയ പരാതിയിലായിരുന്നു നടപടി.
ജിം കോര്ബറ്റ് കടുവാസംരക്ഷണ കേന്ദ്രത്തിലെ റിസോര്ട്ടില് റെയ്ഡ് നടത്തി മദ്യം പിടിച്ചെടുത്തെന്ന് ആരോപിച്ച് റിസോര്ട്ട് ഉടമ രാജീവ് സായെ പിടികൂടുകയും മാധ്യമങ്ങളുടേയും നാട്ടുകാരുടെയും മുന്നില് പ്രദര്ശിപ്പിക്കുകയും ഒരു രാത്രി മുഴുവന് ലോക്കപ്പില് ഇടുകയും ചെയ്തെന്നാണ് കേസ്. നവംബര് 28 ന് നടന്ന സംഭവത്തില് പിറ്റേന്ന് കോടതിയില് നിന്നും ജാമ്യം നേടി പുറത്തുവന്ന രാജീവ് പിന്നാലെ അരുണ് സെയ്നിക്കെതിരേ കോടതിയില് ഹര്ജി നല്കുകയായിരുന്നു. സൗജന്യമായി താമസിക്കുന്നതിന് റിസോര്ട്ടില് റൂം നല്കാതിരുന്നതിനുള്ള പ്രതികാര നടപടിയായിട്ടാണ് മദ്യക്കേസ് കെട്ടിച്ചമച്ചതെന്നാണ് അരുണ് സെയ്നിക്കെതിരേ രാജീവ് നല്കിയ ഹര്ജിയില് പറഞ്ഞിരുന്നത്. ഒരു വിവാഹപാര്ട്ടി റിസോര്ട്ട് പൂര്ണ്ണമായും ബുക്ക് ചെയ്തിരുന്നതിനാല് പോലീസുകാര്ക്ക് താമസിക്കാന് മുറി നല്കാന് കഴിയുമായിരുന്നില്ല എന്നും ഇദ്ദേഹം പറഞ്ഞു.
വിവാഹം കഴിഞ്ഞതിന്റെ പിറ്റേന്ന് പോലീസ് ഹോട്ടല് റെയ്ഡ് ചെയ്യുകയും പത്ത് മദ്യക്കുപ്പികളും ഒരു പാതിയൊഴിഞ്ഞ കുപ്പിയും കണ്ടെടുതെന്നും തന്നെ ഉടന് തന്നെ അറസ്റ്റ് ചെയ്ത് താന യിലേക്ക് കൊണ്ടുപോയെന്നും പറഞ്ഞു. സംഭവത്തില് ചെല്ലാനോ നോട്ടീസോ നല്കാതെ് സ്പോട്ടില് വെച്ചു തന്നെ അറസ്റ്റ് ചെയ്യുകയായിരുന്നെന്നും സായുടെ അഭിഭാഷകനും പറഞ്ഞു. ജാമ്യം എടുത്ത് മോചിതനായതിന് പിന്നാലെ പോലീസുകാര്ക്കും സ്റ്റേഷന് ഇന്സ്പെക്ടര് അരുണ് സെയ്നിക്കും സീനിയര് സബ് ഇന്സ്പെക്ടര് പ്രകാശ് പൊഖ്റിയാല്, സബ് ഇന്സ്പെക്ടര് ദീപക് ബിഷ്ട് എന്നിവര്ക്കെതിരേ പരാതി നല്കുകയായിരുന്നു. മുമ്പും ഉദ്യോഗസ്ഥര് ഇതുപോലെ സൗജന്യമായി മുറി വാങ്ങിയിട്ടുണ്ടെന്നും പറഞ്ഞു.
