ഹൈദരാബാദ്: ഇന്ത്യയ്ക്കെതിരേയുള്ള ടെസ്റ്റ് പരമ്പരയിലെ ആദ്യ മത്സരത്തിന്റെ ആദ്യ ദിവസം തന്നെ ചരിത്രം കുറിച്ച് ഇംഗ്ളണ്ട് ബാറ്റര് ജോ റൂട്ട്. ലോക ടെസ്റ്റ് ചാംപ്യന്ഷിപ്പില് 4000 റണ്സ് തികയ്ക്കുന്ന ആദ്യ ബാറ്റ്സ്മാനായി മാറി. ഇംഗ്ളണ്ടിന്റെ മുന് നായകനായകന് ഈ നേട്ടത്തില് എത്താന് 13 റണ്സേ ആവശ്യമുണ്ടായിരുന്നുള്ളു. 21 ാമത്തെ ഓവറിലെ അഞ്ചാം പന്തില് നേട്ടം പിറന്നു.
നാലാം നമ്പറിലായിരുന്നു ജോ റൂട്ട് ബാറ്റ് ചെയ്യാനെത്തിയത്. 48 മത്സരങ്ങളില് നിന്നുമാണ് ജോ റൂട്ട് ഈ നേട്ടത്തിലേക്ക് എത്തിയത്. ഇതോടെ ലോക ടെസ്റ്റ് ചാംപ്യന്ഷിപ്പില് ഏറ്റവും കൂടുതല് റണ്സ് നേടുന്ന താരമായി മാറാനും ജോ റൂട്ടിനായി. ഓസ്ട്രേലിയയുടെ മാര്നസ് ലബുഷാനേ രണ്ടാമതുണ്ട്. 43 ടെസ്റ്റ് കളിച്ച അദ്ദേഹം 3797 റണ്സ് നേടിയിട്ടുണ്ട്. 3338 റണ്സുള്ള സ്റ്റീവ് സ്മിത്താണ് മൂന്നാമന്. ഇതിനൊപ്പം ഇന്ത്യയ്ക്കെതിരേ ഏറ്റവും കൂടുതല് റണ്സടിച്ച ഇംഗ്ളീഷ് താരമായി മാറാനും ജോ റൂട്ടിനായി.
ഇക്കാര്യത്തില് ഇന്ത്യയുടെ ഇന്ത്യയുടെ ഇതിഹാസതാരം സച്ചിന് തെന്ഡുല്ക്കറെയാണ് താരം മറികടന്നത്. 32 ടെസ്റ്റുകള് ഇംഗ്ളണ്ടിനെതിരേ കളിച്ചിട്ടുള്ള സച്ചിന് 2535 റണ്സാണ് എടുത്തിട്ടുള്ളത്. മൂന്ന് വിക്കറ്റ് നഷ്ടമായ നിലയില് നില്ക്കുന്ന ഇംഗ്ളണ്ടിനായി ജോ റൂട്ട് 26 റണ്സ് എടുത്ത് പുറത്താകാതെ നലല്ക്കുകയാണ്. 37 റണ്സ് എടുത്ത ജോണി ബെയര്സ്റ്റോ ആണ് കൂട്ടത്തില് നില്ക്കുന്നത്. സാക്ക് ക്രൗളി (20), ബെന് ഡക്കറ്റ് (35), ഒലി പോപ്പ് (ഒന്ന് ) എന്നിവരാണ് പുറത്തായത്. സ്പിന്നര്മാരാണ് മൂന്ന് വിക്കറ്റും നേടിയത്. അശ്വിന് രണ്ടുവിക്കറ്റ് നേടിയപ്പോള് ജഡേജ ഒരു വിക്കറ്റും വീഴ്ത്തി.
