ലോകത്തിലെ ഒട്ടുമിക്ക ആളുകളെയും ബാധിച്ചുക്കൊണ്ടിരിക്കുന്ന മാരകമായ അസുഖമാണ് ക്യാന്സര്. ഇവയില് സ്ത്രീകളില് കണ്ടുവരുന്ന അര്ബുദങ്ങളിലൊന്നാണ് സെര്വിക്കല് ക്യാന്സര്. ഇന്ത്യയില് ആണ് ഏറ്റവും അധികം സെര്വിക്കല് ക്യാന്സര് രോഗികളുള്ളത്. 2025 ഓടെ ക്യാന്സര് ബാധിതരുടെ എണ്ണം വര്ധിക്കുമെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച് വ്യക്തമാക്കുന്നു. 2022 ല് ഏകദേശം 14.6 ലക്ഷം സ്ത്രീകളെ ഈ അര്ബുദം ബാധിച്ചു. 2025 ല് ഇത് 15.7 ലക്ഷമായി ഉയരാമെന്നാണ് വിദഗ്ധ സംഘത്തിന്റെ കണ്ടെത്തല്.
ഗര്ഭപാത്രത്തിന്റെ ഏറ്റവും താഴെയുള്ള ഭാഗത്തിനെയാണ് സെര്വിക്സ് അഥവാ ഗര്ഭാശയ മുഖം എന്നു പറയുന്നത്. സ്തനാര്ബുദം കഴിഞ്ഞാല് ഏറ്റവും കൂടുതല് സ്ത്രീകളെ ബാധിക്കുന്ന കാന്സര് ആണ് സെര്വിക്കല് ക്യാന്സര്. എന്തുകൊണ്ടാണ് ഇന്ത്യയില് സെര്വിക്കല് ക്യാന്സര് ബാധിക്കുന്നതിന്റെ കാരണങ്ങളെന്ന് വിദഗ്ധര് അടുത്തിടെ പരിശോധിച്ചു. സെര്വിക്കല് ക്യാന്സറിനെ കുറിച്ച് സ്ത്രീകള്ക്കിടയില് വേണ്ടത്ര അവബോധവും പ്രതിരോധ നടപടികളും ഇല്ലാത്തതാണ് ഇത്രയും വലിയ വര്ദ്ധനവിന് പ്രധാന കാരണമായതെന്ന് വിദഗ്ധര് ചൂണ്ടിക്കാട്ടുന്നു. കൂടാതെ, സെര്വിക്കല് ക്യാന്സറിന് പലപ്പോഴും എച്ച്ഐവി, എച്ച്പിവി എന്നിവ കാരണമാകുമെന്ന വസ്തുത പലര്ക്കും അറിയില്ല. ഈ വൈറസുകളാണ് പലപ്പോഴും സെര്വിക്കല് ക്യാന്സര് വര്ദ്ധിക്കുന്നതിനുള്ള പ്രധാന കാരണം.
അതേസമയം ഇന്ത്യയുടെ പല ഭാഗങ്ങളിലും മതിയായ മെഡിക്കല് സൗകര്യങ്ങള്, മെഡിക്കല് ചെക്കപ്പുകള്, വാക്സിനേഷന് എന്നിവയുടെ അഭാവം ഇപ്പോഴും ജനങ്ങള്ക്കിടയില് നിലനില്ക്കുന്നു. ഇത് രോഗനിര്ണയം വൈകുന്നതിലേക്ക് നയിക്കുന്നുതായി ആരോഗ്യ വിദഗ്ധര് പറയുന്നു. പ്രസവവുമായി ബന്ധപ്പെട്ട ചികിത്സ തേടാന് സ്ത്രീകള് വിമുഖത കാണിക്കുന്നത് പോലെയുള്ള മറ്റ് ചില ഘടകങ്ങളും ഇതിന് കാരണമാകുന്നു. ഒന്നിലധികം സ്ത്രീകളുമായി ലൈംഗിക ബന്ധത്തില് ഏര്പ്പെടുന്നതും എച്ച്പിവി അണുബാധയുടെ വ്യാപനത്തിന് കാരണമാകുന്നു. ഇത് സെര്വിക്കല് ക്യാന്സറിനുള്ള സാധ്യത വര്ദ്ധിപ്പിക്കുന്നു.പരിശോധനാ സൗകര്യങ്ങളും പ്രതിരോധ മരുന്നുകളും രാജ്യത്തുടനീളം വ്യാപകമായി ലഭ്യമാണെങ്കിലും അവ വിപണിയില് എത്തുന്നില്ല എന്നതും മറ്റൊരു പ്രതിസന്ധിയാണ്.
