വെല്ലിംഗ്ടണ്: ഓസ്ട്രേലിയ ന്യൂസിലന്റ് മത്സരത്തില് ന്യൂസിലന്റ് നായകന് കെയ്ന്റ വില്യംസണിന്റെ വിചിത്രമായ പുറത്താകല് ക്രിക്കറ്റ്പ്രേമികളുടെ ശ്രദ്ധ നേടുന്നു. 12 വര്ഷത്തിനിടയില് ആദ്യമായിട്ടാണ് ന്യൂസിലന്റ് നായകന് റണ്ണൗട്ടാകുന്നത്. അതും പൂജ്യത്തിന്.
മിച്ചല് സ്റ്റാര്ക്ക് എറിഞ്ഞ അഞ്ചാം ഓവറില് വില്യംസണ് ബാറ്റിംഗിന് ഇറങ്ങിയപ്പോള് ന്യൂസിലന്ഡ് 12/1 എന്ന നിലയില് ആടിയുലഞ്ഞു നില്ക്കുകയായിരുന്നു. സ്റ്റാര് ബാറ്റര് മിഡ് ഓഫിലേക്ക് ഒരു ഷോട്ട് കളിച്ച് സിംഗിളിനായി ഓടി. എന്നാല് നോണ്സ്ട്രൈക്കറുടെ അറ്റത്ത് നില്ക്കുകയായിരുന്ന വില് യങ് പന്ത് നോക്കിക്കൊണ്ടു നിന്നതിനാല് നായകന് ഓടി വരുന്നത് കണ്ടില്ല. ഇത് കണ്ടപ്പോഴേയ്ക്കും വില്യംസണ് അടുത്തു വരികയും ചെയ്തു. ഉടന് തന്നെ വില്യംഗ് ഓടാന് തുടങ്ങുകയും മറുവശത്ത് നിന്നും ഓടിവരികയായിരുന്ന നായകനുമായി കൂട്ടിയിടിക്കുകയും ചെയ്തു.
എതിര്വശത്ത് പന്ത് സ്വീകരിച്ച മാര്നസ് ലാബുഷാഗ്നെ ഒരു പിഴവും വരുത്താതെ അത് നോണ്-സ്ട്രൈക്കറുടെ എന്ഡിലേക്ക് എറിഞ്ഞ് വില്യംസണെ പുറത്താക്കി. 12 വര്ഷത്തിന് ശേഷം ആദ്യമായാണ് മുന് ന്യൂസിലന്ഡ് നായകന് റണ്ണൗട്ടാകുന്നത്. ഗ്രീന് പുറത്താകാതെ 174 റണ്സ് അടിച്ചുകൂട്ടി വിനോദസഞ്ചാരികളെ 383 എന്ന സ്കോറിലേക്ക് നയിച്ചതിന് ശേഷം, വെള്ളിയാഴ്ച ആദ്യ ടെസ്റ്റിന്റെ രണ്ടാം ദിനം ചായയ്ക്ക് സമയത്ത് ന്യൂസിലന്ഡിന്റെ അഞ്ചു വിക്കറ്റുകളാണ് ഓസീസ് ബൗളര്മാര് വീഴ്ത്തിയത്.
ഇതോടെ വെല്ലിംഗ്ടണിലെ ബേസിന് റിസര്വില് 42-5 എന്ന നിലയിലായിരുന്നു ഇടവേളയ്ക്ക് ആതിഥേയര്. രണ്ടു മത്സരങ്ങളുള്ള പരമ്പരയിലെ ആദ്യ കളി സമനിലയില് കലാശിച്ചതോടെ രണ്ടാമത്തെ മത്സരം വളരെ നിര്ണ്ണായകമായി മാറിയിട്ടുണ്ട്. അഞ്ച് പന്തുകള്ക്കുള്ളില് കെയ്ന് വില്യംസണും രച്ചിന് രവീന്ദ്രയും ഡക്കിന് വീണതോടെ സ്ഥിതി കൂടുതല് വഷളായി.
