സിനിമ, സീരിയല് രംഗത്തിലൂടെ മലയാളികള്ക്ക് സുപരിചിതയായ ഒരു മുഖമാണ് നടി പാര്വതി ആര് കൃഷ്ണ. ഈശ്വരന് സാക്ഷിയായി, ഈറന് മഴ തുടങ്ങിയ പരമ്പരകളിലൂടെ മലയാളി മനസ്സുകളില് കയറിക്കൂടിയ പാര്വതി അവതാരകയായും സജീവമായി നില്ക്കുന്ന ഒരാളാണ്. പത്തനംതിട്ട സ്വദേശിനിയാണ് പാര്വതി കൃഷ്ണ.
ഇപ്പോഴിതാ പാര്വതി അവതാരകയായി എത്തുന്ന മഴവില് മനോരമയിലെ കിടിലം എന്ന പരിപാടി അവസാനിച്ചുവെന്ന് പറയുകയാണ് പാര്വതി. സോഷ്യല് മീഡിയയില് പങ്കുവെച്ച പുതിയ കുറിപ്പിലൂടെയായിരുന്നു കിടിലം അവസാനിച്ചുവെന്നും അതിന്റെ പിന്നണിയിലും മുന്നിലും ഉണ്ടായിരുന്നവര്ക്കെല്ലാം നന്ദി പറഞ്ഞും പാര്വതി എത്തിയത്.
'കിടിലത്തെ സ്നേഹിച്ച ഓരോ പ്രേക്ഷകര്ക്കും നന്ദി. ഒരുപാട് നല്ല ഓര്മ്മകള് സമ്മാനിച്ച ഒരു വേദി ആയിരുന്നു എന്റെ കിടിലം. എന്റെ ചന്ദ്രേച്ചി, എന്നും എപ്പോഴും ഒരു ചിരിച്ച മുഖത്തോടെ അല്ലാതെ എന്റെ ചന്ദ്രേച്ചിനെ ഞാന് കണ്ടിട്ടില്ല, എല്ലാ കുറുമ്പിനും സമാധാനത്തോടെ എന്റെ കൂടെ നിന്നതിനു ചക്കരയുമ്മ.
2 സീസണ് ഒരു ഷോ ചെയ്തു തീര്ത്തതിന്റെ അഭിമാനവും സന്തോഷവും എന്നും എന്റെ ഉള്ളില് ഉണ്ടാകും. എന്റെ റിമിച്ചേച്ചി, നവ്യച്ചേച്ചി, മുകേഷേട്ടന് തൊട്ട് എന്റെ ശ്വേതച്ചേച്ചി, പൂര്ണിമച്ചേച്ചി, രമേഷേട്ടാ, നിങ്ങളോടുള്ള സ്നേഹവും ബഹുമാനവും എന്നും ഉണ്ടാകും. ഒരു തുടക്കക്കാരിയെന്നുപോലും തോന്നിപ്പിക്കാതെ കൂടെ നിര്ത്തിയതിന് ഒരായിരം ഉമ്മകള്.
ഈ അവസരം ഒരുക്കി തന്ന മഴവില് ടീം, സതീശേട്ടാ പൗര്ണമിച്ചേച്ചി ഫോര്മാലിറ്റി ആണെന്നറിയാം. പക്ഷെ നിങ്ങള് ഇല്ലായിരുന്നുവെങ്കില് കിടിലം എനിക്ക് ലഭിക്കുമായിരുന്നില്ല. ഒപ്പം ശ്രീനിച്ചേട്ടാ, ജിബി, സുധീഷ്, ഡോംസ്, ബിജുചേട്ട, പ്രൊഡക്ഷന് ചേച്ചിമാര് എല്ലാവരോടും ഒരുപാട് സ്നേഹം. ബാലുവേട്ട, അച്ചൂട്ടാ എന്റെ 2 അമ്മമാരും നിങ്ങളുടെ സപ്പോര്ട്ട് ഇല്ലായിരുന്നെങ്കില് ഇതൊന്നും സാധ്യമാകുമായിരുന്നില്ല. നന്ദി...
അത്രയും അമേസിംഗ് ആയിരുന്ന ഷോ അവസാനിക്കുകയാണ്. ഇങ്ങനൊന്ന് സംഭവിച്ചതന് എല്ലാത്തിനോടും നന്ദി പറയുകയാണെന്നും,' പറഞ്ഞാണ് പാര്വതി കുറിപ്പ് അവസാനിപ്പിക്കുന്നത്.
