മലയാളി കുടുംബ പ്രേക്ഷകരുടെ പ്രിയതാരങ്ങളാണ് ശ്രീകുമാറും സ്നേഹയും. ടെലിവിഷന് പരമ്പരകളിലൂടെ ശ്രദ്ധേയരായ ഇരുവരുടെയും വിവാഹവും തുടര്ന്നുണ്ടായ കുട്ടിയുടെ ജനനവുമെല്ലാം വലിയ ആഹ്ലാദത്തോടെയാണ് പ്രേക്ഷകര് സ്വീകരിച്ചത്. മറിമായം എന്ന ആക്ഷേപഹാസ്യ പരിപാടിയിലൂടെ പ്രേക്ഷകരെ ചിരിപ്പിച്ച സ്നേഹയും ശ്രീകുമാറും 2019 ഡിസംബറില് തൃപ്പൂണിത്തുറ പൂര്ണത്രയീശ ക്ഷേത്രത്തില് വെച്ചാണ് വിവാഹിതരായത്. 2023 ജൂണ് ഒന്നിനായിരുന്നു ഇരുവര്ക്കും കുഞ്ഞ് പിറന്നത്.
ഇപ്പോഴിതാ, സ്നേഹ പങ്കുവെച്ച ഇന്സ്റ്റഗ്രാം പോസ്റ്റാണ് വൈറലാകുന്നത്. ഒരു നടി എന്നതിലുപരി കഥകളി ആര്ട്ടിസ്റ്റ് കൂടിയാണ് സ്നേഹ. ഏറെ കാലത്തിന് ശേഷം വീണ്ടും കഥകളി വേഷം കെട്ടിയതിനെ പറ്റി ആരാധകരുമായി പങ്കുവെച്ചിരിക്കുകയാണ് നടിയിപ്പോള്. തന്റെ പ്രസവം സിസേറിയന് ആയതുകൊണ്ട് അമ്മയ്ക്ക് അടക്കം പേടിയുണ്ടായിരുന്നതിനെ പറ്റിയും സോഷ്യല് മീഡിയയിലൂടെ പങ്കുവെച്ച കുറിപ്പിലൂടെ സ്നേഹ പറയുന്നു.
'ഗര്ഭകാലവും പ്രസവവും കഴിഞ്ഞു ചെറിയ ഒരു ഇടവേളയ്ക്കു ശേഷം വീണ്ടും കഥകളി വേഷം കെട്ടി. ദക്ഷയാഗത്തിലെ ഭദ്രകാളി. പതിനൊന്ന് വയസ്സിലെ അരങ്ങേറ്റത്തിന് വേഷം കെട്ടുമ്പോള് ഉള്ള അതെ പേടി ഉള്ളില് ഉണ്ടായിരുന്നു, ഒപ്പം പനിയും. എന്നാലും എനിക്ക് ധൈര്യം തന്നത് എന്റെ ഗുരുനാഥന്മ്മാരായ കലാമണ്ഡലം ഇ വാസുദേവന് മാഷും, കലാമണ്ഡലം ശ്രീകുമാര് ആശാനും ആണ്.
ആദ്യമായി വേദിയില് പോകുന്ന മനസുമായി നിന്ന എനിക്ക് ഇടയ്ക്ക സംശയങ്ങളും പേടിയും മാറി മാറി വന്നു. അതില് നിന്ന് എന്നെ രക്ഷപ്പെടുത്തിയത് ഗുരുതുല്യരായ FACT ബിജുചേട്ടന്, കലാമണ്ഡലം രാധാകൃഷ്ണന് പള്ളിപ്പുറം സുനിലേട്ടന്, അനുരാജ്, രാജേഷ് ബാബുച്ചേട്ടന് തുടങ്ങി അണിയറയില് ഉണ്ടായിരുന്ന എല്ലാവരും ആണ്.
ഒരു കൊച്ചിനെ ആദ്യമായി വേദിയിലേക്ക് വിടുന്ന പോലെ എല്ലാരും എന്റെ കൂടെ നിന്നു. രണ്ടു ദിവസങ്ങളായി പനിയുടെ ആക്രമണം ചെറുതായി ഉണ്ടായിരുന്നത് കൊണ്ട് അമ്മ എന്റെ ആരോഗ്യത്തെ ഓര്ത്തു വിഷമിച്ചിരുന്നു, പ്രത്യേകിച്ച് സിസെക്ഷന് ഡെലിവറി കഴിഞ്ഞതുകൂടി ആയതു കൊണ്ട് അമ്മ സത്യം പറഞ്ഞാല് മുഴുവന് സമയവും ആരോഗ്യത്തെ കുറിച്ച് ശ്രദ്ധിിച്ചു കൊണ്ടേയിരുന്നു.
അമ്മയുടെ എന്നത്തേയും ഏറ്റവും വലിയ ആഗ്രഹം ആണ് എന്നെ കഥകളി വേഷത്തില് കാണുക എന്നത്. എന്റെ വേഷം കണ്ടു ഇത്രയും സന്തോഷിക്കുന്ന ആള് വേറെ ഉണ്ടാവില്ല.. എന്തായാലും ഇന്നലത്തെ അവതരണത്തിന് ശേഷം ഒരു ധൈര്യം കിട്ടി, ഇനി അങ്ങോട്ട് പഠിക്കാനും, വേഷം കെട്ടാനും.. അമ്മയുടെ പരിപാടി സമയത്തു വഴക്കൊന്നും ഇല്ലാതെ മിടുക്കനായി ഇരിക്കുന്ന എന്റെ കേദാറിന് ഉമ്മ... എന്നുമാണ് സ്നേഹ പറയുന്നത്.
