ന്യൂഡല്ഹി: റേവ് പാര്ട്ടിയില് പാമ്പിന് വിഷം എത്തിച്ച കേസില് യൂട്യൂബറും ബിഗ്ബോസ് റിയാലിറ്റിഷോ വിജയിയുമായ എല്വിഷ് യാദവ് അറസ്റ്റില്. കേസുമായി ബന്ധപ്പെട്ട് ചോദ്യം ചെയ്യാനായി വിളിച്ചുവരുത്തിയ ശേഷമാണ് എല്വിഷിനെ അറസ്റ്റ് ചെയ്തത്.
കോടതിയില് ഹാജരാക്കിയ പ്രതിയെ 14 ദിവസത്തെ ജുഡീഷ്യല് കസ്റ്റഡിയില് വിട്ടു. കഴിഞ്ഞ വര്ഷം നവംബര് മൂന്നിനാണ് കേസിനാസ്പദമായ സംഭവം. നോയിഡ സെക്ടര് 51 ല് നടന്ന വിനോദ പാര്ട്ടിയില് പാമ്പുകളെയും പാമ്പിന് വിഷവും പോലീസ് കണ്ടെടുത്തിരുന്നു. തുടര്ന്ന് പാമ്പുകളെ എത്തിച്ചതിനും പാമ്പിന് വിഷം ഉത്തേജക മരുന്നായി ഉപയോഗിച്ചതിനും െവെല്ഡ് െലെഫ് ആക്ട് പ്രകാരം എല്വിഷ് യാദവിനെതിരേ കേസ് രജിസ്റ്റര് ചെയ്യുകയും പാമ്പാട്ടികളടക്കം അഞ്ച് പേരെ അറസ്റ്റ് ചെയ്യുകയുമായിരുന്നു. ഇവരുടെ പക്കല് നിന്ന് ഒമ്പതു പാമ്പുകളെ കണ്ടെടുക്കുകയും ചെയ്തു. ജനപ്രിയ യൂട്യൂബറായ എല്വിഷ് തന്റെ ചാനലില് പാമ്പുകളെ അവതരിപ്പിക്കുന്ന നിരവധി വീഡിയോകളുമുണ്ട്.
എല്വിഷ് യാദവിന്റെ വീഡിയോകള് കണ്ടതിനു ശേഷം, ബി.ജെ.പി നേതാവ് മനേക ഗാന്ധിയുടെ നേതൃത്വത്തിലുള്ള മൃഗാവകാശ സംഘടനയായ പി.എഫ്.എ (പീപ്പിള് ഫോര് അനിമല്സ്) പേരും ഐഡന്റിറ്റിയും മറച്ചുവച്ച് അദ്ദേഹത്തെ വിളിച്ചു. പാമ്പുകളും അവയുടെ വിഷവും നല്കാന് അവര് യൂടൂബറോട് ആവശ്യപ്പെട്ടു. സെക്ടര് 51 വിരുന്നിന് വരാന് ആവശ്യപ്പെട്ടു. രാഹുല് എന്നയാള്ക്കു ഇരുപ്പത്താറുകാരനായ യൂട്യൂബര് ഫോണ് നമ്പര് നല്കി.
പാര്ട്ടി നടക്കുന്നിടത്തെത്തിയ പി.എഫ്.എ. സംഘം ഞെട്ടിക്കുന്ന കാഴ്ചകളാണ് കണ്ടത്. അഞ്ച് പാമ്പുകളും 20 മില്ലി പാമ്പ് വിഷവും ഉള്പ്പെടെ ഒമ്പത് പാമ്പുകളുമായി ജയകരന്, ടിറ്റുനാഥ്, നാരായണ്, രവിനാഥ് എന്നീ നാല് പാമ്പാട്ടികളെയും സംഘം കണ്ടെത്തി. ഉടനെ നോയിഡ പോലീസിനെയും വനംവകുപ്പിനെയും സംഘത്തെ വിളിച്ചുവരുത്തി എല്ലാവരെയും അറസ്റ്റ് ചെയ്യിപ്പിക്കുകയായിരുന്നു. നേരത്തെ പോലീസ് ചോദ്യം ചെയ്തപ്പോള് യൂടൂബര് എല്ലാം നിഷേധിച്ചിരുന്നു. ഇയാള്ക്ക് പാമ്പിന് വിഷം വില്ക്കുന്നതില് കൃത്യമായ പങ്കുണ്ടെന്നും ഇയാളെ അറസ്റ്റ് ചെയ്യണമെന്നും മനേകഗാന്ധി ആവശ്യപ്പെട്ടിരുന്നു.
