ഗുരുഗ്രാം: പ്രധാനമന്ത്രി നരേന്ദ്രമോദിക്ക് വോട്ട് ചെയ്യാത്ത സര്ക്കാര് ജീവനക്കാര്ക്ക് ഓഫീസില് ഇരുന്ന് ജോലി ചെയ്യാന് അവകാശമില്ലെന്ന് വിവാദ പ്രസ്താവന നടത്തി ബിജെപി നേതാവ്. രാജസ്ഥാനിലെ ജൂന്ജൂനിലെ മുന് എംപി സന്തോഷ് അഹ്ളാവതാണ് വിവാദത്തിലായത്. പ്രതികരണത്തില് തെരഞ്ഞെടുപ്പ് കമ്മീഷന് എന്തുകൊണ്ട് നടപടിയെടുക്കുന്നില്ല എന്ന ചോദ്യവുമായി കോണ്ഗ്രസ് രംഗത്ത് വന്നു.
2019 ലെ ലോക്സഭയിലേക്ക് ബി.ജെ.പി ഒഴിവാക്കിയ 61 കാരനായ അഹ്ലാവത് ശനിയാഴ്ച ജുന്ജുനുവിന് കീഴിലുള്ള സൂരജ്ഗഡ് നിയമസഭാ സെഗ്മെന്റില് നടന്ന ബൂത്ത് തല പ്രവര്ത്തകരുടെ യോഗത്തില് സംസാരിക്കുകയായിരുന്നു. കഴിഞ്ഞ വര്ഷം നവംബറില് ഈ സീറ്റില് മത്സരിച്ച അവര് കോണ്ഗ്രസിന്റെ ശര്വന് കുമാറിനോട് പരാജയപ്പെട്ടിരുന്നു. പാര്ട്ടി സ്ഥാനാര്ഥി ശുഭ്കരന് ചൗധരിക്ക് വേണ്ടി പ്രചാരണം നടത്തുമ്പോള് ആയിരുന്നു അഹ്ലാവത്ത് വിവാദപ്രസംഗം നടത്തിയത്. വീഡിയോ സോഷ്യല് മീഡിയ പ്ലാറ്റ്ഫോമായ എക്സില് വൈറലായി.
നരേന്ദ്ര മോദിക്ക് വോട്ട് ചെയ്യാത്തവര്ക്ക് സൂരജ്ഗഢ് വിധാന്സഭാ സീറ്റിലെ സര്ക്കാര് ഓഫീസില് ഇരുന്ന് അവരുടെ ജോലി ചെയ്യാന് അവകാശമില്ലെന്നും നേതാവ് പറഞ്ഞു. രാജാവോ രാജകുടുംബമോ പോലും അത്തരം പെരുമാറ്റം പ്രദര്ശിപ്പിച്ചിട്ടില്ലെന്ന് കുമാര് പ്രതികരിച്ചു. ''നിങ്ങള് മോദിക്ക് വോട്ട് ചെയ്യുന്നില്ലെങ്കില് നിങ്ങളുടെ ബാഗുകള് പാക്ക് ചെയ്യുക. ഞാന് നിങ്ങളെ പ്രവേശിക്കാന് അനുവദിക്കില്ല. ഇത് ഏത് ഭാഷയാണ്? ഇതൊരു ജനാധിപത്യമാണോ അതോ രാജവാഴ്ചയാണോ?'' കോണ്ഗ്രസ് എംഎല്എ ചോദിച്ചു.
എന്തുകൊണ്ടാണ് തിരഞ്ഞെടുപ്പ് കമ്മീഷന് നടപടിയെടുക്കാത്തതെന്ന് സൂരജ്ഗഡില് നിന്നുള്ള കോണ്ഗ്രസ് എംഎല്എ ശര്വാന് കുമാര് ചോദിച്ചതോടെ അവരുടെ വാക്കുകള് പ്രതിപക്ഷത്ത് നിന്ന് ശക്തമായ പ്രതികരണങ്ങള് നേടിയിട്ടുണ്ട്.
2019 ലെ ലോക്സഭയിലേക്ക് ബി.ജെ.പി ഒഴിവാക്കിയ 61 കാരനായ അഹ്ലാവത് ശനിയാഴ്ച ജുന്ജുനുവിന് കീഴിലുള്ള സൂരജ്ഗഡ് നിയമസഭാ സെഗ്മെന്റില് നടന്ന ബൂത്ത് തല പ്രവര്ത്തകരുടെ യോഗത്തില് സംസാരിക്കുകയായിരുന്നു. കഴിഞ്ഞ വര്ഷം നവംബറില് ഈ സീറ്റില് നിയമസഭാ തെരഞ്ഞടുപ്പില് മത്സരിച്ച അവര് കോണ്ഗ്രസിന്റെ ശര്വന് കുമാറിനോട് പരാജയപ്പെട്ടു.
