ഗുവാഹത്തി: മുന് പ്രധാനമന്ത്രി എച്ച്ഡി ദേവഗൗഡയുടെ ചെറുമകനും എന്ഡിഎ സ്ഥാനാര്ത്ഥിയുമായ പ്രജ്വല് രേവണ്ണയുടെ ലൈംഗിക വീഡിയോയില് കര്ണാടകയിലെ കോണ്ഗ്രസ് സര്ക്കാര് ഒരു നടപടിയും സ്വീകരിച്ചില്ലെന്ന് കേന്ദ്രമന്ത്രി അമിത് ഷാ. നിരവധി സ്ത്രീകളെ ലൈംഗികമായി പീഡിപ്പിക്കുന്നതായി കാണിക്കുന്ന അശ്ലീല വീഡിയോ പുറത്തുവന്നിട്ടും കോണ്ഗ്രസ് സര്ക്കാര് ഒന്നും ചെയ്തില്ല. എന്നാല് ബിജെപി എപ്പോളും മാതൃശക്തികള്ക്കൊപ്പമാണെന്ന് ബിജെപി നേതാവ് പറഞ്ഞു.
ഇന്ന് രാവിലെ മാധ്യമപ്രവര്ത്തകരോട് സംസാരിക്കുകയായിരുന്നു. ''രാജ്യത്തിന്റെ 'മാതൃശക്തി'യ്ക്കൊപ്പമാണ് ഞങ്ങള് നില്ക്കുന്നതെന്ന് ബിജെപിയുടെ നിലപാട് വ്യക്തമാണ്. എനിക്ക് കോണ്ഗ്രസിനോട് ചോദിക്കണം, ആരുടെ സര്ക്കാരാണ് ഇവിടെ? സര്ക്കാര് കോണ്ഗ്രസ് പാര്ട്ടിയുടേതാണ്, എന്തുകൊണ്ടാണ് അവര് ഇതുവരെ ഒരു നടപടിയും എടുക്കാത്തത്? ഞങ്ങള്ക്ക് ഇല്ല. ഇത് സംസ്ഥാനത്തിന്റെ ക്രമസമാധാന പ്രശ്നമായതിനാല് ഇക്കാര്യത്തില് നടപടിയെടുക്കാന് സംസ്ഥാന സര്ക്കാരാണ് നടപടിയെടുക്കേണ്ടത്.'' അദ്ദേഹം പറഞ്ഞു.
കേസില് അന്വേഷണത്തെ ബിജെപി അനുകൂലിക്കുന്നുവെന്നും കേന്ദ്രമന്ത്രി പറഞ്ഞു. അധികാരത്തിലിരുന്നിട്ടും എന്തുകൊണ്ടാണ് സര്ക്കാര് ഇതുവരെ നടപടിയെടുക്കാത്തതെന്ന് പ്രിയങ്ക അവരുടെ മുഖ്യമന്ത്രിയോടും ഉപമുഖ്യമന്ത്രിയോടും ചോദിക്കണം. ജെഡി(എസ്) നേതാവ് ഉള്പ്പെട്ട ലൈംഗികാപവാദ കേസില് പ്രധാനമന്ത്രി നരേന്ദ്ര മോദിക്കെതിരെ ശ്രീമതി ഗാന്ധി നേരത്തെ വിമര്ശനം ഉന്നയിച്ചിരുന്നു. കര്ണാടകയിലെ ഹാസന് മണ്ഡലത്തില് നിന്നുള്ള സിറ്റിംഗ് എംപിയായ പ്രജ്വല് ഇപ്പോള് നടക്കുന്ന ലോക്സഭാ തിരഞ്ഞെടുപ്പില് മത്സരിക്കുന്നുണ്ട്.
പ്രജ്വലിന്റെ വീഡിയോ പുറത്തുവന്നതിന് പിന്നാലെ അദ്ദേഹത്തെ ജെഡിഎസ് താല്ക്കാലികമായി സസ്പെന്റ് ചെയ്തിട്ടുണ്ട്. സംഭവത്തില് പ്രജ്വലിനെ സംരക്ഷിക്കില്ലെന്നും ഈ കാര്യത്തില് തങ്ങള് ഇരകള്ക്കൊപ്പമാണെന്നും ജെഡിഎസ് പ്രതികരിച്ചു. വീഡിയോ ദൃശ്യങ്ങള് പ്രജ്വലിന്റെ ഐഫോണില് നിന്നും എയര്ഡ്രോപ് ചെയ്ത് എടുത്തത് താനാണെന്ന് അവകാശപ്പെട്ട് മുന് ഡൈവര് കാര്ത്തിക് രംഗത്ത് വന്നിട്ടുണ്ട്.
