ഹരിയാന നിയമസഭാ തെരഞ്ഞെടുപ്പ് തീയതിയില് മാറ്റം. മുമ്പ് ഒക്ടോബര് ഒന്നിനായിരുന്നു തെരഞ്ഞെടുപ്പ് തീയതി പ്രഖ്യാപിച്ചിരുന്നത്. പിന്നീട് ഒക്ടോബര് അഞ്ചാം തീയതിയിലേക്ക് മാറ്റിവെച്ചതായി കേന്ദ്ര തെരഞ്ഞെടുപ്പ് കമ്മീഷന് അറിയിച്ചു.തെരഞ്ഞെടുപ്പിന്റെ ഫലം പ്രഖ്യാപിക്കുന്നത് ഒക്ടോബര് എട്ടിനായിരിക്കും. മുമ്പ് തെരഞ്ഞെടുപ്പിന്റെ പളം ഒക്ടോബര് നാലിന് പ്രഖ്യാപിക്കുമെന്നായിരുന്നു തീരുമാനിച്ചത്. എന്നാല് തെരഞ്ഞെടുപ്പ് തീയതി മാറ്റിയതോടെയാണ് മാറ്റം വന്നത്.ഒക്ടോബര് അഞ്ചിന് ഒറ്റഘട്ടമായാണ് ഹരിയാനയില് നിയമസഭാ തെരഞ്ഞെടുപ്പ് നടക്കുക.
തങ്ങളുടെ ഗുരു ജംഭേശ്വരന്റെ സ്മരണാര്ത്ഥം അസോജ് അമാവാസി ആഘോഷത്തില് പങ്കെടുക്കാന് ഹരിയാനയിലെ ബിഷ്ണോയി സമുദായത്തിലെ ആളുകള്ക്ക് അവസരമൊരുക്കുന്നതിനായാണ് തെരഞ്ഞെടുപ്പ് തീയതി മാറ്റിവെച്ചത്. അതേസമയം, നേരത്തെ നിയമസഭാ തെരഞ്ഞെടുപ്പ് തീയതി മാറ്റിവെക്കണമെന്ന ആവശ്യവുമായി ബിജെപി രംഗത്തെത്തിയിരുന്നു.
