ഹാനോയ് ; വിയറ്റ്നാമിലെ ലച്ച് യാഗി ചുഴലിക്കാറ്റ്. ഈ വര്ഷം ഏഷ്യയിലുണ്ടായ ഏറ്റവും ശക്തമായ ചുഴലിക്കാറ്റാണ് യാഗി . ശനിയാഴ്ച്ച രാവിലെയായിരുന്നു യാഗി വടക്കന് വിയറ്റ്നാമിന്റെ കര തൊട്ടതെന്നാണ് ഇന്ഡോ പസഫിക് ട്രോപിക്കല് സൈക്ലോണ് മുന്നറിയിപ്പ് കേന്ദ്രം വ്യക്തമാക്കിയത്.
വീടുകള്ക്കും കെട്ടിടങ്ങള്ക്കും വലിയ രീതിയില് നാശം വിതച്ചെത്തിയ യാഗി വലിപ്പ വ്യത്യാസമില്ലാത വാഹനങ്ങളേയും ആളുകളേയും ചുഴറ്റിയെറിയുന്നതിന്റെ ദൃശ്യങ്ങളും ഇതിനോടകം പുറത്ത് വന്നിട്ടുണ്ട്. രാജ്യ തലസ്ഥാനമായ ഹനോയില് വലിയ രീതിയില് വൈദ്യുതി ബന്ധം താറുമാറാക്കിയാണ് ചുഴലിക്കാറ്റ് യാഗി എത്തിയിരിക്കുന്നത്. ഹൈ ഫോംഗ് ആന്ഡ് ക്വാംഗ് നിന് പ്രവിശ്യയിലാണ് യാഗി ആദ്യമെത്തിയത്. വിമാന സര്വീസുകള് റദ്ദാക്കുകയും അരലക്ഷത്തിലധികം പേരെ മാറ്റി പാര്പ്പിക്കുകയും ചെയ്തുവെങ്കിലും ചൈനയിലും ഫിലിപ്പൈന്സിലുമായി 18 പേരാണ് ഇതിനോടകം യാഗി ചുഴലിക്കാറ്റില് മരണപ്പെട്ടിട്ടുള്ളത്.
പന്ത്രണ്ടിലേറെ മത്സ്യ ബന്ധന തൊഴിലാളികളേയാണ് യാഗി ചുഴലിക്കാറ്റില് കടലില് കാണാതായത്. രാജ്യത്തിന്റെ വിവിധ മേഖലകളില് പരസ്യ ബോര്ഡുകള് ശക്തമായ കാറ്റില് പറന്ന് നടന്നത് വലിയ രീതിയിലുള്ള അപകടങ്ങള്ക്ക് കാരണമായിട്ടുണ്ട്. പ്രമുഖ വിനോദ സഞ്ചാര കേന്ദ്രമായ ഹൈനാന് ദ്വീപിനെ സാരമായി ബാധിച്ച ശേഷമാണ് ചുഴലിക്കാറ്റ് വിയറ്റ്നാമിലെത്തിയിട്ടുള്ളത്.
