മുംബൈ; ഭാര്യയുടെ മുഖത്ത് ആസിഡ് ഒഴിച്ച് ഭര്ത്താവ് . മറ്റൊരാളുമായി ഭര്ത്താവിനുണ്ടായിരുന്ന പ്രണയത്തിന്രെ പേരില് ഭാര്യ വിവാഹ മോചനം ആവശ്യപ്പെട്ടത്തിനെ തുടര്ന്നാണ് ആസിഡ് ഒഴിച്ചത്. സംഭവം നടന്നത് മഹാരാഷ്ട്രയിലെ മലാഡിലാണ്.
27 കാരിയായ യുവതി മലാഡിലെ അമ്മയുടെ വസതിയിലായിരുന്നു. 34കാരനായ പ്രതി കഴിഞ്ഞ ദിവസം രാവിലെ വീട്ടിലെത്തി യുവതിയുടെ മുഖത്ത് ആസിഡ് ഒഴിക്കുകയായിരുന്നു. മുഖത്ത് ഗുരുതരമായി പൊള്ളലേറ്റ യുവതി ആശുപത്രിയില് ചികിത്സയിലാണ്.
പ്രണയിച്ച് വിവാഹം കഴിച്ചവരാണ് യുവതീയുവാക്കള്. ഭര്ത്താവിന്റെ വിവാഹേതര ബന്ധം അറിഞ്ഞതിനെ തുടര്ന്ന് കഴിഞ്ഞ മൂന്ന് മാസമായി അമ്മയ്ക്കൊപ്പമാണ് യുവതിയുടെ താമസം. യുവാവ് തൊഴില് രഹിതനായിരുന്നു. മയക്കുമരുന്നിന് അടിമയാണെന്നും യുവതി കണ്ടെത്തി. തുടര്ന്ന് വിവാഹ മോചനം ആവശ്യപ്പെടുകയും ചെയ്തു. യുവാവിനെതിരെ ഭാരതീയ ന്യായ് സംഹിത സെക്ഷന് 124(2), 311, 333, 352 എന്നീ വകുപ്പുകള് പ്രകാരമാണ് കേസെടുത്തത്.
