കൊച്ചി: പാലക്കാട്ടെ ഉപതെരഞ്ഞെടുപ്പിലേറ്റ വന് തിരിച്ചടിക്ക് ശേഷമുള്ള ബിജെപി നേതൃയോഗത്തില് നിന്നും വിട്ടുനിന്ന് പ്രമുഖനേതാക്കള്. എം ടി രമേശ്, പി കെ കൃഷ്ണദാസ്, എ എന് രാധാകൃഷ്ണന് എന്നിവരാണ് വിട്ടു നില്ക്കുന്നത്.
പാലക്കാട് ഉപതിരഞ്ഞെടുപ്പില് കിട്ടിയ വലിയ തിരിച്ചടിയുടെ പശ്ചാത്തലത്തില് കോര്കമ്മറ്റി വിളിക്കണമെന്ന ആവശ്യം അംഗീകരിക്കത്ത സാഹചര്യം പരിഗണിക്കാത്തതിലാണ് പ്രതിഷേധം. സംഘടന പ്രശ്നങ്ങള് മാത്രം ചര്ച്ച ചെയ്യാണ് ഇന്ന് നേതൃയോഗം വിളിച്ചത്. ഇതാണ് സീനിയര് നേതാക്കളുടെ പ്രതിഷേധത്തിനു കാരണമായിരിക്കുന്നത്. അതേസമയം ശോഭാ സുരേന്ദ്രന് യോഗത്തിനെത്തിയിട്ടുണ്ട്്
അതേസമയം ബിജെപിയിലെ അസ്വാരസ്യങ്ങള് സംബന്ധിച്ച മാധ്യമങ്ങളുടെ ചോദ്യത്തിന് ക്ഷുഭിതനായാണ് കെ സുരേന്ദ്രന് പ്രതികരിച്ചത്. ഇന്നത്തെ ബിജെപി യോഗം സജീവ അംഗത്വത്തെക്കുറിച്ചും പ്രാഥമിക അംഗത്വത്തെക്കുറിച്ചും മാത്രമുള്ള ചര്ച്ചയാണെന്നും മാധ്യമങ്ങള് ചവറ് വാര്ത്തകളാണ് പുറത്തുവിട്ടുകൊണ്ടിരിക്കുന്നതെന്നും ചേലക്കരയിലും മഹാരാഷ്ട്രയിലും കോണ്ഗ്രസിന് എന്താണ് സംഭവിച്ചത് എന്ന് എന്തുകൊണ്ടാണ് മാധ്യമങ്ങള് അന്വേഷിക്കാത്തതെന്നും ബിജെപിയും എന്ഡിഎയും എന്താണെന്ന് അറിയാത്ത പോലെയാണ് മാധ്യമങ്ങള് തള്ളുന്നതെന്നും പറഞ്ഞു.
15 കൊല്ലമായി ഡല്ഹിയില് കേന്ദ്രീകരിച്ച് പ്രവര്ത്തിക്കുന്ന വി മുരളീധരന് രാജ്യസഭാംഗത്വം നഷ്ടമായപ്പോള് കേരള അധ്യക്ഷ പദവി പിടിക്കാന് ശ്രമിക്കുന്നുവെന്ന്! എന്തെങ്കിലും അടിസ്ഥാനം ഇതിലുണ്ടോ? ഈ രീതിയിലുള്ള ചവറ് വാര്ത്തകളുമായിട്ടാണോ നിങ്ങള് വന്നിരിക്കുന്നത്? എന്നും ചോദിച്ചു. തദ്ദേശ തിരഞ്ഞെടുപ്പില് ബിജെപി മുന്നേറ്റമുണ്ടാകുമെന്നായിരുന്നു ശോഭാ സുരേന്ദ്രന്റെ പ്രതികരണം.
