ജിദ്ദ:രണ്ട് ദിവസത്തെ ഐപിഎല് താരലേലം അവസാനിച്ചതിന് പിന്നാലെ ടീമുകളുടെ ഇലവൻ സാധ്യതകളും ജയ കിരീട സാധ്യതകളും കണക്കുകൂട്ടുന്ന തിരക്കിലാണ് ആരാധകർ. എന്നാല് രാജസ്ഥാന് റോയല്സിന്റെ തിരഞ്ഞെടുപ്പുകളോട് സമ്മിശ്ര പ്രതികരണം. പകരക്കാരെ ടീമിലെത്തിക്കാന് രാജസ്ഥാന് സാധിച്ചില്ലെന്നാണ് സോഷ്യല് മീഡിയ പറയുന്നത്.
കഴിഞ്ഞ സീസണിൽ വിട്ടുകൊടുത്ത പല മികച്ച താരങ്ങൾക്കും പകരക്കാരെ കണ്ടെത്താൻ ടീം മാനേജ്മെന്റിന് കഴിഞ്ഞില്ലെന്നാണ് ഉയരുന്ന പ്രധാന വിമർശനം. എന്നാല് ഹെറ്റ്മെയര്ക്ക് പറ്റിയ ബാക്ക് അപ്പ് ബാറ്ററെ കൊണ്ടുവരാന് രാജസ്ഥാന് സാധിച്ചില്ല. ബൗളിങ് ഡിപ്പോര്ട്ട്മെന്റിലും വേണ്ടത്ര പകരക്കാരെ കൊണ്ടുവരാൻ കഴിഞ്ഞില്ല . ആര്ച്ചര് ഒഴികെ കരുത്തനായ ഒരൊറ്റ പേസ് ബൗളർ പോലുമില്ല എന്നതാണ് വാസ്തവം. ജോസ് ബട്ട്ലർ, യുസ്വേന്ദ്ര ചഹൽ, ആർ അശ്വിൻ, ട്രെന്റ് ബോൾട്ട് എന്നീ പ്രധാന താരങ്ങളെ നിലനിർത്താത്ത നേ രത്തെ തന്നെ ആരാധകരുടെ ഇടയിൽ ചർച്ചയായിരുന്നു.
Your Royals of 2025. Built. Assembled. RReady! 💗🔥 pic.twitter.com/omIXIDQsF6
— Rajasthan Royals (@rajasthanroyals) November 25, 2024
രാജസ്ഥാന് നേരത്തെ ടീം നിലനിർത്തിയവരടക്കം നാല് ബാറ്റര്മാര്, മൂന്ന് വിക്കറ്റ് കീപ്പര്മാര്, നാല് ഓള്റൗണ്ടര്മാര്, ഒമ്പത് ബോളര്മാര് എന്നിവരാണ് റോയല്സ് നിരയിലുള്ളത്. താരലേലം പൂർത്തിയാകുമ്പോൾ ഏറെക്കുറേ സന്തുലിതമെന്നു പറയാവുന്ന ടീമിനെയാണ് ദ്രാവിഡും സംഘവും രൂപപ്പെടുത്തിയെടുത്തിരിക്കുന്നത് എന്നാണ് വിലയിരുത്തൽ. ആകെ 20 അംഗങ്ങളാണ് ടീമിലുള്ളത്. ഇതിൽ ആറു പേർ വിദേശ താരങ്ങളാണ്.
സാധ്യതാ ഇലവനിലേക്ക് വരുമ്പോള് യുവതാരം യശസ്വി ജയ്സ്വാളും ക്യാപ്റ്റന് സഞ്ജു സാംസണും ഇന്നിങ്സ് ഓപ്പണ് ചെയ്യും.മൂന്നാം നമ്പറില് നിതീഷ് റാണ എത്തുമെന്ന് പ്രതീക്ഷിക്കാം. പിന്നാലെ റയാന് പരാഗും, ധ്രുവ് ജുറലും. ഹെറ്റ്മെയറാകും ഫിനിഷിങ് റോളിലെത്തുക. ആര്ച്ചര്ക്കൊപ്പം തുഷാര് ദേഷ്പാണ്ഡെയോ ആകാശ് മധ്വാളോ ബൗളിങ് ഓപ്പണ് ചെയ്യാനെത്തും. പേസര് സന്ദീപ് ശര്മയും കറക്കി വീഴ്ത്താന് ഹസരങ്കയും മഹീഷ് തീക്ഷണയുമെത്തും.
രാജസ്ഥാന് റോയല്സ് സാധ്യതാ ഇലവന്: സഞ്ജു സാംസണ് (ക്യാപ്റ്റന് / വിക്കറ്റ് കീപ്പര്), യശസ്വി ജയ്സ്വാള്, നിതീഷ് റാണ, റിയാന് പരാഗ്, ഷിംറോണ് ഹെറ്റ്മെയര്, ധ്രുവ് ജുറല്, വാനിന്ദു ഹസരങ്ക, ജോഫ്ര ആര്ച്ചട്ടര്, സന്ദീപ് ശര്മ, ഫസല്ഹഖ് ഫാറൂഖി, തുഷാര് ദേശ്പാണ്ഡെ
രാജസ്ഥാന് റോയല്സ് മുഴുവന് സ്ക്വാഡ്
ബാറ്റർമാർ
യശസ്വി ജയ്സ്വാൾ, ഷിംറോൺ ഹെറ്റ്മെയർ, ശുഭം ദുബെ, വൈഭവ് സൂര്യവംശി
വിക്കറ്റ് കീപ്പർമാർ
സഞ്ജു സാംസൺ, കുനാൽ റാത്തോർ, ധ്രുവ് ജുറേൽ
ഓൾറൗണ്ടർമാർ
റിയാൻ പരാഗ്, വാനിന്ദു ഹസരംഗ, നിതീഷ് റാണ, ജോഫ്ര ആർച്ചർ.
പേസ് ബോളർമാർ
സന്ദീപ് ശർമ, ക്വേന മഫാക, ഫസൽഹഖ് ഫാറൂഖി, ആകാശ് മധ്വാൾ, തുഷാർ ദേശ്പാണ്ഡെ, യുധ്വീർ സിങ്
സ്പിന്നർമാർ
മഹീഷ് തീക്ഷണ, കുമാർ കാർത്തികേയ
രാജസ്ഥാൻ താരങ്ങളുടെ മൂല്യം
യശസ്വി ജയ്സ്വാള്(18 കോടി), സഞ്ജു സാംസണ്(18 കോടി), ധ്രുവ് ജൂറല്(14 കോടി), റിയാന് പരാഗ്(14 കോടി), ജോഫ്ര ആര്ച്ചര്(12.50 കോടി), ഷിമ്രോണ് ഹെറ്റ്മെയര്(11 കോടി), തുഷാര് ദേശ്പാണ്ഡെ(6.50 കോടി), വാനിന്ദു ഹസരംഗ(5.25 കോടി), മഹേഷ് തീക്ഷണ(4.40 കോടി), നിതീഷ് റാണ(4.20 കോടി), സന്ദീപ് ശര്മ്മ(4.00 കോടി), ഫസല്ഹഖ് ഫാറൂഖി(2.00 കോടി), ആകാശ് മധ്വാള്(1.20 കോടി), വൈഭവ് സൂര്യവംശി(1.10 കോടി), ശുഭം ദുബെ(80 ലക്ഷം), യുധ്വീര് സിംഗ്(35 ലക്ഷം), കുമാര് കാര്ത്തികേയ(30 ലക്ഷം), ക്വേന മഫക(1.50 കോടി), അശോക് ശര്മ(30 ലക്ഷം).
