കണ്ണൂര്: കണ്ണൂര് എഡിഎം നവീന് ബാബുവിന്റെ മരണവുമായി ബന്ധപ്പെട്ട് കണ്ണൂര് കളക്ടര് അരുണ് കെ വിജയന്റെ മൊഴി വീണ്ടുമെടുക്കാന് പ്രത്യേക അന്വേഷണ സംഘം. ' തെറ്റുപറ്റി' എന്ന് എഡിഎം തന്നോട് പറഞ്ഞെന്ന കളക്ടറുടെ മൊഴിയില് കൂടുതല് വ്യക്തത വരുത്തുകയാണ് ഉദ്ദേശം. പി പി ദിവ്യയെ രക്ഷിക്കാന് കളക്ടര് കൂട്ട് നില്ക്കുകയാണെന്നായിരുന്നു കുടുംബത്തിന്റെ ആരോപണം.
സംഭവം കൊലപാതകമാണെന്ന് സംശയിക്കുന്നതായും പ്രതിയായ സിപിഎം കണ്ണൂര് ജില്ലാ കമ്മിറ്റി അംഗം പി പി ദിവ്യയെ രക്ഷിച്ചെടുക്കാനാണ് പൊലീസിന്റെ ശ്രമമെന്നുമാണ് നവീന് ബാബുവിന്റെ കുടുംബം കോടതിയില് ഉന്നയിച്ചിരിക്കുന്ന വാദം. അന്വേഷണത്തിന്റെ കേസ് ഡയറി ഹാജരാക്കാന് സംസ്ഥാന പൊലീസിന് ഹൈക്കോടതി നിര്ദേശം നല്കുകയും ചെയ്തിരുന്നു.
സിബിഐ അന്വേഷണം ആവശ്യപ്പെട്ടുളള ഹര്ജി ഫയലില് സ്വീകരിച്ച സിംഗിള് ബെഞ്ച്, മറുപടി പറയാന് സംസ്ഥാന സര്ക്കാരിനോടും സിബിഐയോടും ആവശ്യപ്പെട്ടിരിക്കുകയാണ്. ഇതിന് പിന്നാലെയാണ് വീണ്ടും മൊഴി എടുത്തത്. അതിനിടെ നവീന് ബാബുവിന്റെ മരണത്തില് സിബിഐ അന്വേഷണമെന്ന കുടുംബത്തിന്റെ ആവശ്യം സിപിഎം സംസ്ഥാന സെക്രട്ടറി എം വി ഗോവിന്ദന് തള്ളിയിട്ടുണ്ട്.
