കോഴിക്കോട്: വടകരയില് ഒമ്പത് വയസുകാരിയെ ഇടിച്ച് കോമയിലാക്കിയ വാഹനം കണ്ടെത്തി പോലീസ്. ഇടിച്ചിട്ട് നിര്ത്താതെ പോയ വാഹനം വന് തെരച്ചിലിനിനൊടുവില് പോലീസ് കണ്ടെത്തി. പുറമേരി സ്വദേശിയായ ഷജീല് എന്ന ആള് ഓടിച്ച കാറാണ് ദൃഷാനയെ ഇടിച്ചതെന്ന് വടകര റൂറല് എസ്പി വാര്ത്താസമ്മേളനത്തില് പറഞ്ഞു. അപകടം നടന്ന് ഒമ്പത് മാസത്തിന് മാസത്തിന് ശേഷം പൊലീസ് കണ്ടെത്തുന്നത്.
കെഎല്.18 ആര് 18 46 എന്ന റജിസ്ട്രേഷന് നമ്പറിലുള്ള കാറായിരുന്നു ഇടിച്ചിട്ടത്. പെണ്കുട്ടിയെ ഇടിച്ചിട്ട ശേഷം പ്രതി ഇടവഴിയിലൂടെ കാറുമായി കടന്നു. അപകടം നടന്നതിന് പിന്നാലെ വാഹനം രൂപമാറ്റം വരുത്തുകയും പ്രതി വിദേശത്തേക്ക് കടക്കുകയുമായിരുന്നു. ഫെബ്രുവരി 17 നായിരുന്നു സംഭവം നടന്നത് മാര്ച്ച് 14 ന് പ്രതി വിദേശത്തേക്ക് കടക്കുകയും ചെയ്തു. എന്നനാല് പ്രതി ഇന്ഷുറന്സ് ക്ളെയിമിന് ശ്രമിച്ചതാണ് കേസില് നിര്ണ്ണായകമായത്. വാഹനം മതിലില് ഇടിച്ചു എന്ന്് വരുത്തിത്തീര്ക്കാനായിരുന്നു ശ്രമം. ഇടിച്ചിട്ട ശേഷം ഇടവഴിയിലൂടെ രക്ഷപ്പെടുകയായിരുന്നു. അയാള്ക്കെതിരെ കുറ്റകരമല്ലാത്ത നരഹത്യ ചുമത്തിയെന്നും പൊലീസ് പറഞ്ഞു.
അന്വേഷണത്തിന്റെ ഭാഗമായി പോലീസ് 19,000 വാഹനങ്ങളും 50,000 ഫോണ്കോളുകളും പരിശോധന നടത്തി. അപകടസമയത്ത് വാഹനം ഓടിച്ചത് ഉടമ തന്നെയായിരുന്നെന്നും പോലീസ് പറഞ്ഞു. ഇടിച്ചിട്ടശേഷം കാര് നിറുത്താതെ പോയി. പ്രതി ഇപ്പോള് വിദേശത്താണ്. ഇയാളെ നാട്ടില് എത്തിക്കാനുള്ള ശ്രമങ്ങളും പോലീസ് തുടങ്ങിയിട്ടുണ്ട്. കോഴിക്കോട് മെഡിക്കല് കോളേജില് ഒമ്പതു മാസമായി ദൃഷാന കോമയിലാണ്.
സംഭവം മാധ്യമങ്ങളില് വാര്ത്തയായതോടെ ഹൈക്കോടതി ഇടപെടുകയും പോലീസില് നിന്നും റിപ്പോര്ട്ട് തേടുകയുമായിരുന്നു. എത്രയും പെട്ടന്ന് കാര് കണ്ടെത്താന് പൊലീസിന് നിര്ദേശവും നല്കുകയും ചെയ്തു. ഇതോടെയാണ് അന്വേഷണം കാര്യക്ഷമമായത്.
