തിരുവനന്തപുരം: തിരൂരില് നിന്നു നിലമ്പൂരിലേക്ക് മെേ്രടാ വേണമെന്ന ആവശ്യത്തെ മുഖ്യമന്ത്രി പിണറായി വിജയന് പരിഹസിച്ചത് മനോവിഷമം ഉണ്ടാക്കിയെന്ന് തിരൂര് എം.എല്.എ.കുറുക്കോളി മൊയ്തീന്. നാടിന്റെ ആവശ്യം താനല്ലാതെ ആരു പറയുമെന്നാണ് ചോദ്യം. ട്രോളുകള് എന്തൊക്കെയുണ്ടായാലും ആവശ്യത്തില് നിന്നു പിന്നോട്ടില്ലെന്നും മൊയ്തീന് പറഞ്ഞു.
ഏറ്റവും കൂടുതല് ജനസാന്ദ്രതയുള്ള മലപ്പുറം ജില്ലയില് തിരൂരിനെയും നിലമ്പൂരിനെയും ബന്ധിപ്പിച്ച് മെേ്രടാ മാതൃകയില് റെയില്വേ ലൈന് പണിതാല് യാത്രാ ദൂരവും ചെലവും സമയവും ലഭിക്കാം എന്നാണ് എം.എല്.എ. പറഞ്ഞത്. മുഖ്യമന്ത്രിയുടെ മറുപടിയിങ്ങനെ-'അംഗത്തിനു ഏത് കാര്യവും നിയമസഭയില് ഉന്നയിക്കാം. പക്ഷേ ഇതൊക്കെ വേണോ എന്നത് അങ്ങും നിയമസഭാ സെക്രട്ടേറിയറ്റും ആലോചിക്കുന്നത് നന്നായിരിക്കും. ഇൗ സര്ക്കാരായാലും ഇനി ഏതെങ്കിലും കാലത്ത് മാറി വരുന്ന സര്ക്കാരായാലും അടുത്ത ദശാബ്ദത്തിലൊന്നും ആലോചിക്കാനിടയില്ലാത്ത മെട്രോ പദ്ധതിയെ കുറിച്ചാണ് ഇവിടെ പറഞ്ഞിട്ടുള്ളത്. ഒരു സര്ക്കാരിന്റെയും ആലോചനയില് ഇല്ലാത്ത വിഷയമാണിത്'-മുഖ്യമന്ത്രി നിയമ സഭയില് മറുപടി നല്കി.
താന് വളരെയേറെ ചിന്തിച്ചും ആലോചിച്ചുമാണ് മെട്രോ മാതൃകയെ കുറിച്ച് നിയമസഭയില് പറഞ്ഞതെന്ന് കുറുക്കോളി മൊയ്തീന് പ്രതികരിച്ചു. തിരൂരില് നിന്ന് നിലമ്പൂരിലേക്ക് റോഡ് വഴി പോകാന് മൂന്ന് മണിക്കൂര് സമയം വേണ്ടിവരുന്നുണ്ട്. ഇങ്ങനെയൊരു പാത വന്നാല് സമയം ഒരു മണിക്കൂറായി കുറയ്ക്കാന് കഴിയും. താനും മുഖ്യമന്ത്രിയെ പോലെ സഭയിലേക്ക് തെരഞ്ഞെടുക്കപ്പെട്ടു വന്നതാണ്.
അദ്ദേഹത്തിന്റെ പ്രതികരണം കഠിനമായ വേദനയുണ്ടാക്കിയെന്നും എം.എല്.എ പറഞ്ഞു. താന് പറഞ്ഞത് ഭാവിയില് സമൂഹം ചര്ച്ച ചെയ്യുകയും ഏറ്റെടുക്കുകയും ചെയ്യും. താനിത് സമൂഹത്തിന് മുമ്പാകെ അവതരിപ്പിക്കുകയാണ്. സഭയില് പരിഹാസമാണ് കിട്ടിയതെങ്കിലും ജനങ്ങളിത് സ്വീകരിക്കുമെന്ന് ഉറപ്പുണ്ടെന്ന് എം.എല്.എ പ്രതികരിച്ചു.
