ഇന്ത്യയുടെ 40 വര്ഷം പഴക്കമുളള ലോകറെക്കോഡ് തകര്ത്ത് അമേരിക്ക. ഏകദിനത്തിലെ ഏറ്റവും ചെറിയ സ്കോര് പ്രതിരോധിക്കുന്ന ടീമായി മാറിക്കൊണ്ടാണ് യുഎസ്എ ചരിത്രം സൃഷ്ടിച്ചത്. 125 റണ്സില് താഴെ സ്കോര് പ്രതിരോധിക്കുന്ന ചരിത്രത്തിലെ ആദ്യ ടീമായിട്ടാണ് അവര് മാറിയത്. ഒമാനെതിരേയുള്ള മത്സരത്തില് 122 റണ്സ് അടിക്കുകയും എതിര്ടീമിനെ 57 റണ്സിന് തോല്പ്പിക്കുകയും ചെയ്തു.
1985 ല് റോത്ത്മാന് ഫോര് നേഷന് കപ്പില് പാക്കിസ്ഥാനെതിരെ ഇന്ത്യയിട്ട 40 വര്ഷം പഴയ റെക്കോഡാണ് തിരുത്തപ്പെട്ടത്. അന്ന് പാക്കിസ്ഥാനെതിരെ 125 റണ്സാണ് മെന് ഇന് ബ്ലൂ പ്രതിരോധിച്ചത്. ഒമാനിനെതിരായ ഏകദിന ലോകകപ്പ് ലീഗ് 2 മത്സരത്തില്, അല് അമീറത്തില് അവരുടെ എതിരാളികളെ 57 റണ്സിന് തോല്പ്പിച്ചായിരുന്നു ചരിത്രമായത്. മത്സരത്തിന്റെ ആദ്യ ഇന്നിംഗ്സില് യുഎസ്എ 122 റണ്സിന് പുറത്തായിരുന്നു. രണ്ടാം ഇന്നിംഗ്സില് അവര് ഒമാനെ വെറും 65 റണ്സിന് പുറത്താക്കി.
യുഎസ്എ രണ്ടാം ഇന്നിംഗ്സില് പൂര്ണ്ണമായി 50 ഓവര് പോലും ഉപയോഗിച്ചില്ല. 25.3 ഓവര് എറിഞ്ഞപ്പോള് തന്നെ ഒമാന് 65 റണ്സിന് പുറത്തായി. ഏകദിന ക്രിക്കറ്റ് ചരിത്രത്തില് ഇതാദ്യമായാണ് ഒരു ടീം പൂര്ത്തിയാക്കിയ ഇന്നിംഗ്സില് ഒരു പേസറെ പോലും ഉപയോഗിക്കാത്തത്. 11 റണ്സിന് അഞ്ചു വിക്കറ്റ് വീഴ്ത്തിയ യുഎസ്എ ബൗളര് നോഷ്തുഷ് കെന്ജിഗെയായിരുന്നു മാന് ഓഫ് ദി മാച്ച്.
മത്സരത്തില് 20ല് 19 വിക്കറ്റും വീഴ്ത്തിയത് സ്പിന്നര്മാരായിരുന്നു. ഏകദിനത്തില് സ്പിന്നര്മാര് വീഴ്ത്തുന്ന ഏറ്റവും കൂടുതല് വിക്കറ്റ് എന്ന റെക്കോഡിന് ഒപ്പമെത്താനും ഈ മത്സരത്തിനായി. 2011ലെ ബംഗ്ലാദേശ് പാക്കിസ്ഥാന് മത്സരത്തില് 20 വിക്കറ്റില് 19ഉം സ്പിന്നര്മാരായിരുന്നു വീഴ്ത്തിയത്. 61 ഓവറില് യുഎസും ഒമാനും നേടിയത് 187 റണ്സ് മാത്രം. ഏകദിനത്തിലെ രണ്ടാമത്തെ ഏറ്റവും കുറഞ്ഞ അഗ്രഗേറ്റാണിത്.
