യുവേഫാ ചാംപ്യന്സ് ലീഗ് ഫുട്ബോളില് ഇംഗ്ളീഷ് ചാംപ്യന്മാരായ മാഞ്ചസ്റ്റര് സിറ്റിയുടെ തേരോട്ടം സാന്റിയാഗോ ബര്ണേബുവില് സ്പാനിഷ്ലീഗ് ചാംപ്യന്മാരായ റയല്മാഡ്രിഡ് അവസാനിപ്പിച്ചു. ഫ്രഞ്ച് സൂപ്പര്താരം കിലിയന് എംബാപ്പേയുടെ ഹാട്രിക്കാണ് ടീമിന്റെ ചരിത്രമെഴുതിയത്. പ്ളേ ഓഫിലെ ആദ്യപാദത്തില് 3-2 ന് ഏറ്റ തോല്വിക്ക് പകരം ചോദിക്കാനെത്തി 3-1 ന് തോല്ക്കുകയായിരുന്നു.
റൗള് അസെന്സിയോയുടെ പാസില് നിന്ന് എംബാപ്പെ ആദ്യഗോള് നേടിയത്. പരിക്കു മൂലം സൂപ്പര്താരം ഏര്ലിംഗ് ഹാളണ്ട് ബഞ്ചിലിരുന്ന മത്സരത്തില് ഡിഫന്ഡര് ജോണ് സ്റ്റോണ്സിനെ പരിക്കുമൂലം നഷ്ടമായപ്പോള് അവരുടെ അവസ്ഥ കൂടുതല് വഷളായി. 33 മിനിറ്റിന് ശേഷം എഡേഴ്സണെ എംബാപ്പേ വീണ്ടും പരാജയപ്പെടുത്തി. 2012-13-ല് ഗ്രൂപ്പ് ഘട്ടത്തില് നിന്ന് പുറത്തായ ശേഷമുള്ള സിറ്റിയുടെ ആദ്യ ചാമ്പ്യന്സ് ലീഗ് എക്സിറ്റ് ആണ് ഇത്. കിലിയന് എംബാപ്പേ് ഈ സീസണില് ഇതുവരെ ടീമിനായി നേടിയ ഗോളുകള് 27 ആയി.
റയലില് തുടക്കത്തില് ഒന്നു പൊരുത്തപ്പെട്ടുവരാന് താമസിച്ച എംബാപ്പേ അതിന് ശേഷം തകര്പ്പന് സ്കോറിംഗാണ് പുറത്തെടുത്തത്. കാര്ലോ ആന്സലോട്ടിയുടെ ടീമിനായി 11 മത്സരങ്ങളില് നിന്ന് മൂന്ന് തവണ മാത്രം സ്കോര് ചെയ്തതിന് ശേഷം ഫ്രാന്സ് ക്യാപ്റ്റന് റയല് ആരാധകരുടെയും പണ്ഡിതന്മാരുടെയും കനത്ത നിരീക്ഷണത്തിന് വിധേയനായിരുന്നു.
ആദ്യത്തെ 'സ്ലോ സ്റ്റാര്ട്ടിന്' ശേഷം ഈ സീസണില് ഇതുവരെയുള്ള എല്ലാ മത്സരങ്ങളിലും 27 ഗോളുകള് അദ്ദേഹം നേടിയിട്ടുണ്ട്. പിഎസ്ജിയില് ആറ് വര്ഷത്തിനിടെ 308 മത്സരങ്ങളില് നിന്ന് 256 ഗോളുകള് നേടിയ ശേഷമാണ് അദ്ദേഹം റയലില് എത്തുന്നത്.
