ബോളിവുഡില് പ്രണയവും പ്രണയപരാജയങ്ങളുമൊക്കെ സ്ഥിരം വാര്ത്തകളാണ്. അക്കൂട്ടത്തില് മുന്പന്തിയില് നിറഞ്ഞിരുന്ന പ്രണയമായിരുന്നു അര്ജുന് കപൂറും മലൈക അറോറയും. 2018 ലാണ് അർജുൻ കപൂറും മലൈക അറോറയും ഡേറ്റിംഗ് ആരംഭിച്ചത്. അവധിക്കാല ചിത്രങ്ങൾ പങ്കിട്ടും നഗരത്തിലും പരിസരത്തും കൈകോര്ത്തുമൊക്കെ ഇവരെ ആരാധകരും മാധ്യമങ്ങളും കണ്ടിട്ടുണ്ട്. സോഷ്യല് മീഡിയയിലൂടെ രണ്ടുപേരും തങ്ങളുടെ ബന്ധം തുറന്നു പറഞ്ഞിട്ടുമുണ്ട്. എന്നാല് കഴിഞ്ഞ വര്ഷം നീണ്ട അഞ്ചുവർഷത്തെ പ്രണയത്തിന് ശേഷമാണ് ഇരുവരും വേർപിരിഞ്ഞു. അതിനുള്ള കാരണം രണ്ടുപേരും പക്ഷേ വ്യക്തമാക്കിയിട്ടില്ല.
അഭിനയിച്ച സിനിമകളെക്കാളും വ്യക്തിജീവിതത്തിലെ സംഭവവികാസങ്ങള് കൊണ്ട് വാര്ത്തകളില് നിറയാറുള്ള അര്ജുന് കപൂര്, താനിപ്പോള് സിംഗിളാണെന്ന് പരസ്യപ്രഖ്യാപനം നടത്തിയതോടെയാണ് ബ്രേക്ക് അപ്പ് അഭ്യൂഹങ്ങള്ക്കും അവസാനമായത്.
ഇപ്പോഴിതാ ജീവിതപങ്കാളിയെക്കുറിച്ചുള്ള കാഴ്ചപ്പാടുകള് തുറന്നുപറഞ്ഞിരിക്കുകയാണ് അര്ജുന്. ‘‘ഞാൻ സ്നേഹിക്കുന്ന ഒരാളോട് എനിക്ക് എന്റെ നിശബ്ദത പോലും പങ്കുവെയ്ക്കാനാകണം. അത് വളരെ പ്രധാനമാണ്. രണ്ട് വ്യത്യസ്ത സ്ഥലങ്ങളിലായാലും എല്ലാ സമയവും സംസാരിക്കാൻ സാധിച്ചില്ലെങ്കിലും പരസ്പരം ബന്ധപ്പെടാനാകണം. ഏതൊരു കാര്യവും കൂടുതല് ചിന്തിക്കാതെ പങ്കുവെക്കുക എന്ന ആശയത്തിലാണ് വിശ്വസിക്കുന്നത്.
സ്നേഹമെന്നാല് എല്ലായ്പ്പോഴും ഒരു വ്യക്തിയോടൊപ്പം നില്ക്കുകയെന്നതല്ല. അവരുമൊന്നിച്ച് ജീവിതം കെട്ടിപ്പടുക്കാൻ ആത്മാർഥമായി ആഗ്രഹമുണ്ടാകണം.
ആശ്വാസവും സുഖവും ഉണ്ടായിരിക്കണം. ദിവസം അവസാനിപ്പിച്ചതിന് ശേഷം തിരികെ പോയി നിങ്ങളുടെ വ്യക്തിയോടൊപ്പം സമയം ചെലവഴിക്കാൻ നിങ്ങൾ ആകാംക്ഷയോടെ കാത്തിരിക്കണം. പ്രണയം എന്നാൽ ആ വ്യക്തിയോടൊപ്പം എപ്പോഴും ഒരുമിച്ചിരിക്കുക എന്നല്ല അർത്ഥമാക്കുന്നത്. അവരോടൊപ്പം നിങ്ങളുടെ ജീവിതം കെട്ടിപ്പടുക്കാൻ നിങ്ങൾ ആഗ്രഹിക്കണം. വ്യക്തികള് പരസ്പരം പങ്കാളിയുടെ ജോലിയും മനസിലാക്കിയിരിക്കണം...’’ അര്ജുന് കപൂര് പറഞ്ഞു.
വിവാഹത്തെക്കുറിച്ചും താരം മനസ്സു തുറക്കുന്നുണ്ട്. ‘‘എന്തെങ്കിലും ഉണ്ടെങ്കിൽ, ഞാൻ നിങ്ങളെ എല്ലാവരെയും അറിയിക്കാം. ഇന്ന് സിനിമയെക്കുറിച്ച് ചർച്ച ചെയ്യുന്നതും അത് ആഘോഷിക്കുന്നതും ആണ്. എനിക്ക് സിനിമയെക്കുറിച്ച് സംസാരിക്കണം. എനിക്ക് സുഖകരമായിരുന്നപ്പോഴെല്ലാം, ശരിയായ സമയത്തായിരിക്കുമ്പോൾ എന്റെ വ്യക്തിജീവിതത്തെക്കുറിച്ച് മതിയായ സംഭാഷണങ്ങളും സംസാരങ്ങളും ഞാൻ അനുവദിച്ചിട്ടുണ്ടെന്ന് ഞാൻ കരുതുന്നു. എനിക്ക് ഇപ്പോൾ, എന്റെ മേരെ ഹസ്ബന്സ് കി ബീവി ആഘോഷിക്കാൻ അനുവദിക്കൂ. എന്റെ ഭാര്യയെക്കുറിച്ച് സംസാരിക്കേണ്ട സമയം വരുമ്പോൾ, ശരിയായ സമയത്ത് ഞങ്ങൾ അതിനെക്കുറിച്ച് സംസാരിക്കും...’’ അര്ജുന് കപൂര് പറഞ്ഞു. തന്റെ വരാനിരിക്കുന്ന ചിത്രമായ മേരെ ഹസ്ബൻഡ് കി ബിവിയുടെ പ്രൊമോഷന് അഭിമുഖത്തിലാണ് താരം മനസ്സു തുറന്നത്.
മുദ്ദസർ അസീസിന്റെ ഏറ്റവും പുതിയ ചിത്രമാണ് ‘മേരെ ഹസ്ബൻഡ് കി ബീവി’. ഹാസ്യത്തിന് പ്രാധാന്യം കൊടുക്കുന്ന ചിത്രത്തില് അര്ജുനൊപ്പം ഹർഷ് ഗുജ്റാളും പ്രധാന വേഷത്തിലുണ്ട്. രാകുല് പ്രീത് സിങ്, ഭൂമി പഡ്നേക്കർ എന്നിവരാണ് നായികമാര്.
