കാഠ്മണ്ഡു: ജെന്സി പ്രക്ഷോഭം രൂക്ഷമാകുന്നതിനിടെ നേപ്പാള് പ്രധാനമന്ത്രി കെപി ശര്മ ഒലി രാജിവെച്ചു. യുവജന പ്രക്ഷോപത്തിന് പിന്നാലെയാണ് രാജി. മണിക്കൂറുകള്ക്ക് മുന്പാണ് ഇദ്ദേഹത്തിന്റെ ഔദ്യോഗിക വസതി പ്രക്ഷോഭകര് കൈയേറി കത്തിച്ചത്. കെപി ശര്മ ഒലിയെ സുരക്ഷിത കേന്ദ്രത്തിലേക്ക് മാറ്റാനാണ് നീക്കം. ശര്മ ഒലിയുടെ രാജി ഇന്നലെ മുതല് പ്രക്ഷോഭകര് ആവശ്യപ്പെട്ടിരുന്നു. 19 പ്രക്ഷോഭകരെ നേര്ക്കുനേര് വെടിവെച്ചുകൊന്നതിന്റെ ധാര്മിക ഉത്തരവാദിത്തം ഏറ്റെടുത്ത് രാജിവെക്കണമെന്നായിരുന്നു പ്രക്ഷോഭകരുടെ ആവശ്യം.
സമൂഹ മാധ്യമങ്ങള് നിരോധിച്ച സര്ക്കാര് നടപടിക്കെതിരെ 'ജെന്സി കിഡ്സ്' തെരുവില് ഇറങ്ങിയതോടെ പ്രതിരോധത്തിലായി സര്ക്കാര്. ഫേസ്ബുക്ക്, വാട്ട്സ്ആപ്പ്, ഇന്സ്റ്റാഗ്രാം അടക്കമുള്ള ഇരുപത്തിയാറോളം സമൂഹമാധ്യമങ്ങളാണ് സര്ക്കാര് നിരോധിച്ചതാണ് യുവാക്കളുടെ വ്യാപക പ്രതിഷേധത്തിന് വഴിതെളിച്ചത്. സര്ക്കാരിന്റെ അഴിമതിയും കെടുകാര്യസ്ഥതയും മറച്ചുവെയ്ക്കാനാണ് സമൂഹമാധ്യമങ്ങള്ക്ക് നിരോധനം ഏര്പ്പെടുത്തിയതെന്നാണ് പ്രതിഷേധക്കാര് ആരോപിക്കുന്നത്. ഈ കമ്പനികളെല്ലാം നേപ്പാളില് വന്ന് ഓഫീസ് തുറക്കുകയും രജിസ്റ്റര് ചെയ്യണമെന്നുമാണ് സര്ക്കാറിന്റെ ആവശ്യം.
അതേസമയം കേരളത്തില് നിന്ന് നേപ്പാളിലേക്ക് വിനോദ സഞ്ചാരത്തിന് പോയ മലയാളികള് പ്രക്ഷോഭത്തെ തുടര്ന്ന് യാത്രമധ്യേ കുടങ്ങിയിരിക്കുകയാണ്. കോഴിക്കോട് ജില്ലയിലെ കൊടുവള്ളി, മുക്കം, കൊടിയത്തൂര് എന്നിവിടങ്ങളില് നിന്ന് നേപ്പാളിലേക്ക് പോയ 40ഓളം വിനോദ സഞ്ചാരികളാണ് വഴിയില് കുടുങ്ങിയത്. കാഠ്മണ്ഡുവിന് സമീപമാണ് ഇവര് നിലവിലുള്ളത്. റോഡില് ടയര് ഇട്ട് കത്തിച്ചുള്ള പ്രക്ഷോഭം തുടരുന്നതിനാല് ഇവര്ക്ക് മുന്നോട്ട് പോകാനായിട്ടില്ല. ഞായാറാഴ്ചയാണ് മലയാളി സംഘം നേപ്പാളിലേക്ക് പോയത്.
