മലപ്പുറം പറപ്പൂരിൽ കുളത്തിൽ കുളിക്കാനിറങ്ങിയ അമ്മയും രണ്ടു മക്കളും മുങ്ങി മരിച്ചു. വീണാലുങ്ങൽ സ്വദേശി സൈനബ മക്കളായ ഫാത്തിമ ഫർസീല , ആഷിഖ് എന്നിവരുമാണ് മരിച്ചത്.
വീടിനു സമീപത്തെ പാടത്തുള്ള കുളത്തില് ഉച്ചക്ക് രണ്ടേകാലോടെയാണ് വസ്ത്രം അലക്കാനും കുളിക്കാനുമായി മൂന്നുപേരും ഇറങ്ങിയത്. വൈകിട്ട് നാലരക്ക് സമീപത്തെ വഴിയിലൂടെ പോയ ഇതര സംസ്ഥാന തൊഴിലാളിയാണ് ഫര്സീലയെ മരിച്ച നിലയില് കുളത്തില് കണ്ടത്.
ഇയാള് വിവരം അറിയിച്ചതു പ്രകാരം കുളത്തില് നടത്തിയ പരിശോധനയില് സൈനബയുടേയും മകൻ ആഷിഖിന്റേയും മൃതദേഹം കൂടി കണ്ടെടുത്തു. പൊലീസ് സ്ഥലത്തെത്തി മൃതദേഹം തിരൂരങ്ങാടി താലൂക്ക് ആശുപത്രിയിലേക്ക് മാറ്റി.
