ന്യൂകാമ്പ്: അത്ലറ്റിക്കോ മാഡ്രിഡിനെ ഏകപക്ഷീയമായ മൂന്ന് ഗോളുകള്ക്ക് മറികടന്നെങ്കിലും ബാഴ്സിലോണ കോപ്പാഡെല്റേയില് പുറത്തായി. ബാഴ്സിലോണ ടൂര്ണമെന്റില് നിന്നും പുറത്തായി. ഇരുടീമുകളും ആദ്യം ഏറ്റുമുട്ടിയ മത്സരത്തില് 4-0 ന് നേടിയ ജയമാണ് തുണയായത്. 4-3 ന്റെ അഗ്രിഗേറ്റില് അത്ലറ്റിക്കോ മാഡ്രിഡ് ഫൈനലില് പ്രവേശിച്ചു.
മാര്ക്ക് ബെര്ണലിന്റെ ഇരട്ടഗോളുകളും റാഫീഞ്ഞയുടെ പെനാല്റ്റിഗോളുമായിരുന്നു ബാഴ്സിലോണയ്ക്ക് വിജയം നല്കിയത്. എന്നിട്ടും അവര്ക്ക് നാലാമത് മറ്റൊരു ഗോള് കൂടികണ്ടെത്താന് കഴിയാതിരുന്നത് തിരിച്ചടിയായി. ബുധനാഴ്ച നടക്കുന്ന അവസാന നാലിലെ മത്സരത്തില് റയല് സോസിഡാഡ് അത്ലറ്റിക് പോരാട്ടത്തിലെ ജേതാക്കളെ അത്ലറ്റിക്കോ മാഡ്രിഡ് ഫൈനലില് നേരിടും.
കഴിഞ്ഞ മാസം ആദ്യ പാദത്തില് 4-0 ന് പരാജയപ്പെട്ടതിനെത്തുടര്ന്ന് ബാഴ്സലോണ 32 തവണ വിജയിച്ച മത്സരത്തിന്റെ ഫൈനലിലെത്തുമെന്ന് പ്രതീക്ഷിച്ചിരുന്നെങ്കിലും അവര്ക്ക് ഒരു വലിയ വെല്ലുവിളി നേരിടേണ്ടിവന്നു. 29-ാം മിനിറ്റില് ഇടത് വശത്ത് നിന്ന് ലാമിന് യമാലായിരുന്നു ആദ്യഗോളിന്റെ സൃഷ്ടാവ്. മികച്ച പ്രകടനം നടത്തിയ താരം 18 വയസ്സുള്ള ബെര്ണലിന് അനുയോജ്യമായ ഒരു ക്രോസ് കൊടുത്തു. ഗോള് ഏരിയയില് മാര്ക്ക് ചെയ്യപ്പെടാതെ നിന്ന താരം അത് അനായാസം വലയിലാക്കി.
ആദ്യ പകുതിയിലെ സ്റ്റോപ്പേജ് സമയത്ത്, പെഡ്രിയെ ക്ലെമന്റ് ലെങ്ലെറ്റ് ഏരിയയില് വീഴ്ത്തിയതിന് കിട്ടിയ പെനാല്റ്റി റാഫീഞ്ഞ മുതലാക്കി. കീപ്പര് മുസ്സോയെ തെറ്റായ വഴിയിലേക്ക് അയച്ചു സ്പോട്ട്-കിക്ക് ഗോളാക്കി. തൊട്ടുപിന്നാലെ കളി തീരാന് 18 മിനിറ്റ് ബാക്കിയുള്ളപ്പോള് ജോവോ കാന്സലോയുടെ ക്രോസില് ബെര്ണല് ആതിഥേയര്ക്ക് വേണ്ടി അടുത്ത ഗോളും നേടി.
